فوتو: disk.yandex.ru
شارا بارىسىندا ءسوز سويلەگەن وبلىس اكىمى نۇرىمبەت ساقتاعانوۆ جۋرناليستيكانىڭ قازىرگى قوعامداعى ماڭىزىن ايرىقشا اتاپ ءوتتى. ونىڭ ايتۋىنشا, اقپارات قۇرالدارى – تەك جاڭالىق تاراتۋ قۇرالى ەمەس, حالىق پەن بيلىكتىڭ اراسىنداعى ديالوگ الاڭى, سەنىم كوپىرى, قوعامدىق سانانى قالىپتاستىرۋشى قۋاتتى كۇش.
فورۋم اياسىندا سالا ۇزدىكتەرىنە مەملەكەتتىك جانە ۆەدومستۆولىق ماراپاتتار, سونداي-اق وبلىس اكىمىنىڭ ارنايى سىيلىقتارى تابىستالدى.
مەملەكەت باسشىسىنىڭ اتىنان بەرىلەتىن «قۇرمەت» وردەنى مەدياورتالىقتىڭ باس ديرەكتورى ارسەني دۇيسەنوۆكە جانە «استانا» تەلەارناسىنىڭ وبلىستاعى مەنشىكتى ءتىلشىسى يرينا ياكۋنيناعا تاپسىرىلدى. ال «شاپاعات» مەدالىمەن «قازاقپارات» اگەنتتىگىنىڭ ءتىلشىسى, Buqara.kz سايتىنىڭ باس رەداكتورى تالعاتجان مۇحامەديەۆ ماراپاتتالدى.
سونداي-اق, «ەڭبەك ارداگەرى» مەدالى – «دەلوۆوي كازاحستان» گازەتىنىڭ ءتىلشىسى ولگا سيزوۆاعا تابىس ەتىلدى. ال «ەرەن ەڭبەگى ءۇشىن» مەدالى – «Egemen Qazaqstan» گازەتىنىڭ مەنشىكتى ءتىلشىسى, قازاقستان جۋرناليستەر وداعىنىڭ وبلىستىق فيليالىنىڭ توراعاسى مەرەي قايناروۆقا تابىستالدى.
سونىمەن قوسا, وبلىس جانە قالا اكىمدەرىنىڭ, باسقارما باسشىلارىنىڭ ارنايى ماراپاتتارى وڭىرلىك جانە قالالىق اقپارات قۇرالدارىنىڭ ۇجىمدارىنا تابىستالىپ, مەرەكەلىك جيىن سوڭى كونتسەرتتىك باعدارلاماعا ۇلاستى.
بۇل – اقپارات سالاسىنىڭ قوعامداعى ەرەكشە رولىنە بەرىلگەن شىنايى باعا, قالام ۇستاعان قاۋىمعا كورسەتىلگەن قۇرمەتتىڭ ءبىر پاراسى بولدى.
