استانا. 16 اقپان. قىزىلوردا وبلىسى قازالى اۋدانى اكىمىنىڭ بۇقارالىق سپورتتى دامىتۋداعى بەكىتكەن ءىس-شارالار جوسپارىنا سايكەس, قازاقستان حالقى اسسامبلياسىنىڭ 20 جىلدىعىنا ارنالعان, اۋدان تۇرعىندارى اراسىندا قىسقى سپورت تۇرلەرىنە تارتۋ ماقساتىندا شارالار وتۋدە. بۇل تۋرالى egemen.kz ءتىلشىسى حابارلادى.
سونىڭ ءبىرى – قازالى قالاسىندا وتكىزىلگەن بۇگىنگى شاڭعى تەبۋ سايىسى. سالاۋاتتى ءومىر سالتىن ناسيحاتتاۋ جانە دامىتۋ ماقساتىندا ۇيىمداستىرىلعان سايىس «شاعالا» تىنىعۋ لاگەرىندە ءوتتى. سايىسقا ايتەكە بي كەنتىنەن جانە قازالى قالاسى تۇرعىندارى قاتىسىپ, شەبەرلىكتەرىن شىڭدادى.
جارىس قورتىندىسىندا, التىنبەك وتەپبەرگەنوۆ ءىىى ورىندى جەڭىپ الدى. ال ءىى ورىندى دارحان ىسقاقوۆ يەلەنسە, جارىس جەڭىمپازى بولىپ مەدەتوۆ قۇدايبەرگەن تانىلدى.
جالپى اۋدان كولەمىندە قىسقى سپورت تۇرلەرىنەن ەستافەتالىق جارىستار, قار ۇستىندەگى سپورتتىق ويىندار. ءوز دەڭگەيلەرىندە وتكىزىلۋدە. مۇنداي سپورتتىق سايىستار اۋا-رايىنا بايلانىستى كەزەڭ-كەزەڭىمەن ۇيىمداستىرىلادى.
جەڭىمپازدار اۋداندىق دەنە شىنىقتىرۋ جانە سپورت ءبولىمى تاراپىنان ماراپاتتالدى.
جولدىباي بازار.
دەرەك, سۋرەت: egemen.kz.
