فوتو: شىمكەنت قالاسى اكىمدىگى
ازاماتتاردىڭ قۇقىقتىق ساۋاتتىلىعىن ارتتىرىپ, تۇرعىندارعا تەگىن زاڭ كومەگىن كورسەتۋ ماقساتىنداعى اكتسيا دوستىق ۇيىندە قالا اكىمىنىڭ تاپسىرماسىمەن ۇيىمداستىرىلدى.
شىمكەنت اكىمدىگىنىڭ ءباسپاسوز قىزمەتىنىڭ مالىمدەۋىنشە قالا تۇرعىندارى ادۆوكات, نوتاريۋس, پروكۋرور ماماندارمەن قاتار, مەملەكەتتىك جانە جەرگىلىكتى اتقارۋشى ورگانداردىڭ وكىلدەرىنەن, قۇقىق قورعاۋ سالاسىنىڭ ماماندارىنان قۇقىقتىق كەڭەس الدى. زاڭگەرلەر حالىقتى مازالاعان وزەكتى ماسەلەلەر بويىنشا ءتۇسىندىرۋ جۇمىستارىن جۇرگىزىپ, تۇرعىن ءۇي, جەر داۋلارى, الەۋمەتتىك تولەمدەر, اليمەنت ءوندىرۋ, ەڭبەك قۇقىعى سەكىلدى ءتۇرلى سۇراقتارعا جاۋاپ بەردى.
اتالعان شارانىڭ ۇيىمداستىرىلۋىن جوعارى باعالاپ, مۇنداي اكتسيالاردىڭ ءجيى ءوتۋى كەرەكتىگىن جەتكىزگەن قالا تۇرعىندارىنىڭ ايتۋىنشا, مۇنداي باستامالار حالىق پەن بيلىك اراسىنداعى بايلانىستى نىعايتىپ, قوعامداعى قۇقىقتىق مادەنيەتتى ارتتىرۋعا وڭ ىقپال ەتەدى.
