فوتو: اشىق دەرەككوز
ونىڭ ايتۋىنشا, مەملەكەت باسشىسى جي-ءدى دامىتۋدى ۇلتتىق باسىمدىق رەتىندە اتاپ كورسەتىپ كەلەدى, بىراق بۇل تەك تەحنولوگيالىق ەمەس, كەشەندى قوعامدىق دايىندىقتى تالاپ ەتەتىن ۇدەرىس.
«دەگەنمەن, جاساندى ينتەللەكت جاي عانا تەحنولوگيا ەمەس. ونىڭ دامۋى قوعامنىڭ جان-جاقتى دايىندىعىن تالاپ ەتەدى. حالىقارالىق رەيتينگتەر مۇنداي دايىندىقتى نەگىزگى قۇرامداس بولىكتەرگە قاراي باعالايدى: تسيفرلىق ترانسفورماتسيا دەڭگەيى, ينفراقۇرىلىمنىڭ قولجەتىمدىلىگى جانە نورماتيۆتىك بازانىڭ جەتىلگەندىگى», دەدى ەكاتەرينا سمىشلياەۆا.
دەپۋتات جي تۋرالى زاڭ جوباسىنىڭ ماجىلىستە ءبىرىنشى وقىلىمدا قابىلدانعانىن ەسكە سالا وتىرىپ, بۇل تەك كەشەندى جۇمىستىڭ باستاۋى عانا ەكەنىن جەتكىزدى.
ول زاڭناماداعى نەگىزگى كەمشىلىكتەر مەن تاۋەكەلدەردى تىزبەكتەي كەلىپ, ناقتى التى پروبلەمالىق باعىتتى اتاپ ءوتتى:
- جي دامىتۋ تۇجىرىمداماسى قابىلدانعانىمەن, ونىڭ مەملەكەتتىك جوسپارلاۋعا ىقپالى از.
- قىلمىستىق جانە اكىمشىلىك زاڭنامادا جي-مەن بايلانىستى قۇقىق بۇزۋشىلىقتاردى تەرگەۋگە قاجەتتى تسيفرلىق دالەلدەر مەن كريميناليستيكا قۇرالدارى قاراستىرىلماعان.
- ءبىلىم مەن دەنساۋلىق ساقتاۋ سالالارىندا جي قولدانۋعا قاتىستى ەتيكالىق نورمالار جەتىسپەيدى. جەرگىلىكتى مامانداردىڭ ورنىنا حالىقارالىق كورپوراتسيالاردىڭ كەڭەسشىلەرى تارتىلىپ وتىر, بۇل مۇددە قايشىلىعىن تۋعىزادى.
- اي گيپەررەگۋلياتسياسى قاۋپى بار. سونىمەن بىرگە ەكسپەريمەنتتىك قۇقىقتىق رەجيمدەردىڭ الەۋەتى ءالى ءىس جۇزىندە پايدالانىلماعان.
- جەرگىلىكتى كومپانيالارعا قويىلاتىن تالاپتار ترانسۇلتتىق ويىنشىلارعا اسەر ەتپەيدى, بۇل وتاندىق قاۋىپسىزدىك پەن باسەكەگە قابىلەتتىلىككە كەرى اسەر ەتەدى.
- جاڭا نورمالاردى ءتيىمدى ىسكە اسىرۋ ءۇشىن تسيفرلىق قۇزىرەتى بار زاڭگەر ماماندار جەتىسپەيدى.
وسىعان بايلانىستى دەپۋتات كەلەسىدەي ۇسىنىستاردى ايتتى:
- سالالارداعى جي-گە دايىندىقتى باعالاۋ ءۇشىن تسيفرلىق جەتىلۋ يندەكسىن ەنگىزۋ جانە رەگۋلياتورلىق اۋديت جۇرگىزۋ;
- جي دامىتۋ تۇجىرىمداماسىنىڭ مارتەبەسىن ارتتىرىپ, ونى مەملەكەتتىك جوسپارلاۋ قۇجاتتارىندا مىندەتتى تۇردە ەسكەرۋ;
- حالىقارالىق قاۋىپسىزدىك ستاندارتتارىنا نەگىزدەلگەن سالالىق جي رەگلامەنتتەرىن ازىرلەپ, ولاردى سالاارالىق ساراپتامالىق كوميتەتتەردە بەكىتۋ;
- تسيفرلىق كريميناليستيكا قۇرالدارىن دامىتۋ, جي ارقىلى جاسالعان قۇقىق بۇزۋشىلىقتارعا ارەكەت ەتۋ مەحانيزمدەرىن ەنگىزۋ;
- قۇقىقتىق «قۇمسالعىشتاردى» كەڭىنەن ەنگىزىپ, جاڭا تەحنولوگيالاردى قاۋىپسىز تۇردە سىناۋ مۇمكىندىگىن قامتاماسىز ەتۋ; •
- زاڭنامالىق اكتىلەردىڭ ماشينوقۇرىلىمدىق بولۋىن قامتاماسىز ەتىپ, زاڭگەر كادرلاردىڭ جي سالاسىنداعى بىلىكتىلىگىن ارتتىرۋ.
ء«بىزدىڭ فراكتسيا ۇكىمەتپەن بىرگە جاساندى ينتەللەكتتى قۇقىقتىق رەتتەۋدى ء«تىرى زاڭ» فورماتىندا, بيزنەس پەن ساراپشىلاردان كەرى بايلانىس الا وتىرىپ, ءارى قاراي جالعاستىرۋعا دايىن», دەپ تۇيىندەدى ءسوزىن دەپۋتات.
سمىشلياەۆا بۇل ۇسىنىستار جي-ءدى قاۋىپسىز, ءادىل جانە ءتيىمدى ەنگىزۋگە قۇقىقتىق نەگىز قالاۋ ءۇشىن اسا ماڭىزدى ەكەنىن اتاپ ءوتتى.
