استانا. 16 اقپان. «بارىس» حوككەي كومانداسى حاباروۆسكىنىڭ «امۋردى» (رف) سىرت ايدىندا 5:3 ەسەبىمەن جەڭىپ, قحل-دىڭ شىعىس كونفەرەنتسياسىندا قايتادان 6-ورىنعا كوتەرىلدى. بۇل تۋرالى egemen.kz حابارلادى.
العاشقى كەزەڭ ايدىن يەلەرىنىڭ باسىمدىعىمەن ءوتتى. دەسەك تە, ويىننىڭ 8-مينۋتىندا «امۋر» ساپىنان سەرگەي پەرەتياگين كىشى ايىپپەن جازالانىپ, «بارىس» ويىنشى باسىمدىعىنا يە بولدى. الايدا, اندرەي نازاروۆ جاتتىقتىراتىن استانالىقتار بۇل مۇمكىندىكتى پايدالانا المادى. ەسەسىنە, حاباروۆسكىلىك كوماندا وزدەرىنە بەرىلگەن وسىنداي مۇمكىندىكتى ءمۇلت جىبەرمەي, 13-مينۋتتا ەسەپ اشتى. بۇل كەزدە قوناقتار ساپىنان ەكى بىردەي ويىنشى ايدىننان قۋىلعان بولاتىن. ناقتى ايتساق, 11-مينۋتتا ارتەم لاكيزا جازالانسا, 12-مينۋتتا ولەگ كۆاشا ايىبىن وتەيتىن ورىنعا اتتاندى. ناتيجەسىندە, قارسىلاستار 5ح3 فورماتىندا ويناپ, «امۋردىڭ» شابۋىلشىسى دميتري تاراسوۆ مەرگەندىگىمەن كوزگە ءتۇستى.
ەكىنشى كەزەڭ «بارىستىڭ» شابۋىلىمەن باستالدى. ويىننىڭ 22-مينۋتىندا ايدىن يەلەرى ساپىنان انتون كرىسانوۆ قارسىلاسىن ويىن تاياعىمەن توقتاتقانى ءۇشىن كىشى ايىپپەن جازالاندى. بۇل جولى استانالىقتار ويىنشى باسىمدىعىن جۇزەگە اسىرا ءبىلدى. برەندون بوچەنسكيدەن پاس العان داستين بويد تارازى باسىن تەڭەستىردى. كەزەڭنىڭ ءدال ورتا تۇسىندا «امۋر» تاعى دا ەسەپتە العا شىقتى. گولدىڭ اۆتورى الەكساندر ريازانتسەۆ. اراعا 1 مينۋت سالىپ, «بارىس» ەسەپتى تەڭەستىرىپ كەتتى. ناتيجەلى سوققىنى جاساعان بوچەنسكي بولاتىن. بۇل ەكى گول دا ويىنشى باسىمدىعى كەزىندە جۇزەگە اسقانىن ايتا كەتەيىك. ۇزىلىسكە دەيىن (34-مينۋت) قوناقتار تاعى ءبىر مارتە «امۋردىڭ» قاقپاسىن ءدال كوزدەپ, ويىن بارىسىندا العاش رەت ەسەپتەگى باسىمدىققا يە بولدى. بۇل جولى تالعات جايلاۋوۆتىڭ قانجىعاسى مايلاندى.
شەشۋشى كەزەڭدە يۋككا راۋتاكورپي جاتتىقتىراتىن «امۋر» حوككەيشىلەرى قارقىنىن كۇشەيتتى. ءتىپتى, 46-مينۋتتا ەۆگەني ورلوۆتىڭ كومەگىمەن ءۇشىنشى شايبالارىن سوعىپ, ەسەپتى 3:3-كە جەتكىزگەن. دەگەنمەن, ايدىن يەلەرىنىڭ ودان ارىگە شاماسى جەتپەدى. ال سالقىنقاندىلىق تانىتا بىلگەن «بارىس» تارتىس سوڭىنا دەيىن تاعى ەكى شايبا سوعىپ, ماڭىزدى جەڭىسكە قول جەتكىزدى. 13-مينۋتتا نايدجەل دوۋس كومانداسىنىڭ ءتورتىنشى شايباسىن سوقسا, ارادا 4 مينۋت ۋاقىت وتكەن كەزدە بوچەنكسي ءدۋبلدىڭ اۆتورى اتاندى. وسى تارتىستا «امۋر» قاقپاسىن الەكساندر پەچۋرسكي, ال «بارىستىكىن» پاۆەل پولۋەكتوۆ قورعاعانىن ايتا كەتەيىك.
استانالىقتار كەلەسى ويىندى 16 اقپان كۇنى تاعى دا سىرت ايدىندا «امۋرعا» قارسى وتكىزەدى.
ەلامان قوڭىر.
دەرەك: egemen.kz.
سۋرەت: hcamur.ru.
استانا. 16 اقپان. «بارىس» حوككەي كومانداسى حاباروۆسكىنىڭ «امۋردى» (رف) سىرت ايدىندا 5:3 ەسەبىمەن جەڭىپ, قحل-دىڭ شىعىس كونفەرەنتسياسىندا قايتادان 6-ورىنعا كوتەرىلدى. بۇل تۋرالى egemen.kz حابارلادى.
العاشقى كەزەڭ ايدىن يەلەرىنىڭ باسىمدىعىمەن ءوتتى. دەسەك تە, ويىننىڭ 8-مينۋتىندا «امۋر» ساپىنان سەرگەي پەرەتياگين كىشى ايىپپەن جازالانىپ, «بارىس» ويىنشى باسىمدىعىنا يە بولدى. الايدا, اندرەي نازاروۆ جاتتىقتىراتىن استانالىقتار بۇل مۇمكىندىكتى پايدالانا المادى. ەسەسىنە, حاباروۆسكىلىك كوماندا وزدەرىنە بەرىلگەن وسىنداي مۇمكىندىكتى ءمۇلت جىبەرمەي, 13-مينۋتتا ەسەپ اشتى. بۇل كەزدە قوناقتار ساپىنان ەكى بىردەي ويىنشى ايدىننان قۋىلعان بولاتىن. ناقتى ايتساق, 11-مينۋتتا ارتەم لاكيزا جازالانسا, 12-مينۋتتا ولەگ كۆاشا ايىبىن وتەيتىن ورىنعا اتتاندى. ناتيجەسىندە, قارسىلاستار 5ح3 فورماتىندا ويناپ, «امۋردىڭ» شابۋىلشىسى دميتري تاراسوۆ مەرگەندىگىمەن كوزگە ءتۇستى.
ەكىنشى كەزەڭ «بارىستىڭ» شابۋىلىمەن باستالدى. ويىننىڭ 22-مينۋتىندا ايدىن يەلەرى ساپىنان انتون كرىسانوۆ قارسىلاسىن ويىن تاياعىمەن توقتاتقانى ءۇشىن كىشى ايىپپەن جازالاندى. بۇل جولى استانالىقتار ويىنشى باسىمدىعىن جۇزەگە اسىرا ءبىلدى. برەندون بوچەنسكيدەن پاس العان داستين بويد تارازى باسىن تەڭەستىردى. كەزەڭنىڭ ءدال ورتا تۇسىندا «امۋر» تاعى دا ەسەپتە العا شىقتى. گولدىڭ اۆتورى الەكساندر ريازانتسەۆ. اراعا 1 مينۋت سالىپ, «بارىس» ەسەپتى تەڭەستىرىپ كەتتى. ناتيجەلى سوققىنى جاساعان بوچەنسكي بولاتىن. بۇل ەكى گول دا ويىنشى باسىمدىعى كەزىندە جۇزەگە اسقانىن ايتا كەتەيىك. ۇزىلىسكە دەيىن (34-مينۋت) قوناقتار تاعى ءبىر مارتە «امۋردىڭ» قاقپاسىن ءدال كوزدەپ, ويىن بارىسىندا العاش رەت ەسەپتەگى باسىمدىققا يە بولدى. بۇل جولى تالعات جايلاۋوۆتىڭ قانجىعاسى مايلاندى.
شەشۋشى كەزەڭدە يۋككا راۋتاكورپي جاتتىقتىراتىن «امۋر» حوككەيشىلەرى قارقىنىن كۇشەيتتى. ءتىپتى, 46-مينۋتتا ەۆگەني ورلوۆتىڭ كومەگىمەن ءۇشىنشى شايبالارىن سوعىپ, ەسەپتى 3:3-كە جەتكىزگەن. دەگەنمەن, ايدىن يەلەرىنىڭ ودان ارىگە شاماسى جەتپەدى. ال سالقىنقاندىلىق تانىتا بىلگەن «بارىس» تارتىس سوڭىنا دەيىن تاعى ەكى شايبا سوعىپ, ماڭىزدى جەڭىسكە قول جەتكىزدى. 13-مينۋتتا نايدجەل دوۋس كومانداسىنىڭ ءتورتىنشى شايباسىن سوقسا, ارادا 4 مينۋت ۋاقىت وتكەن كەزدە بوچەنكسي ءدۋبلدىڭ اۆتورى اتاندى. وسى تارتىستا «امۋر» قاقپاسىن الەكساندر پەچۋرسكي, ال «بارىستىكىن» پاۆەل پولۋەكتوۆ قورعاعانىن ايتا كەتەيىك.
استانالىقتار كەلەسى ويىندى 16 اقپان كۇنى تاعى دا سىرت ايدىندا «امۋرعا» قارسى وتكىزەدى.
ەلامان قوڭىر.
دەرەك: egemen.kz.
سۋرەت: hcamur.ru.
