تابىلعان قۇجاتتار قاتارىندا 1975 جىلى ۆيلنيۋس قالاسىندا وتكەن قازاق كينوسىنىڭ كۇندەرىنە بايلانىستى, ش.ايمانوۆ اتىنداعى «قازاقفيلم» كينوستۋدياسى دەلەگاتسياسىنىڭ ليتۆاعا ساپارى, قازاقكسر-ءنىڭ حالىق ءارتىسى نۇرمۇحان ءجانتورين مەن قازاقكسر-ءنىڭ اباي اتىنداعى مەملەكەتتىك سىيلىعىنىڭ لاۋرەاتى, رەجيسسەر سۇلتان قوجىقوۆتىڭ ليتۆالىقتارمەن كەزدەسۋلەرى تۋرالى دەرەكتى ماتەريالدار بار.
سونداي-اق بۇرىنعى كوكشەتاۋ وبلىسىنداعى تىڭيگەرۋ جۇمىستارىنا ليتۆالىق مامانداردىڭ قاتىسقانى تۋرالى دا قۇندى مالىمەتتەر تابىلدى. بۇل مالىمەتتەردىڭ اراسىندا ولاردىڭ مەكتەپ جانىنداعى لاگەرلەردە, مەديتسينا پۋنكتتەرىندە, قۇرىلىس سالاسىندا ەڭبەك ەتكەنى جانە قازاق حالقىنىڭ سالت-داستۇرىمەن تانىسقانى جونىندەگى قۇندى دەرەكتەر كەزدەسەدى.
زەرتتەۋ جۇمىستارىن قازاقستان ورتالىق مەملەكەتتىك كينو-فوتوقۇجاتتار مەن دىبىس جازبالارى ءارحيۆى ديرەكتورىنىڭ ورىنباسارى, تاريح عىلىمدارىنىڭ كانديداتى ساۋلە ساتاەۆا جۇرگىزىپ, ۆيلنيۋس, كاۋناس جانە كلايپەدا قالالارىنداعى ورتالىق مەملەكەتتىك ارحيۆتەرىندە بولعان.
قازاقستان مادەنيەت جانە اقپارات مينيسترلىگى ءباسپاسوز قىزمەتىنىڭ حابارلاۋىنشا, ساپار بارىسىندا ايماقتىق ارحيۆ باسشىلارىمەن كەزدەسۋلەر ءوتىپ, ەكىجاقتى ىنتىماقتاستىق ماسەلەلەرى تالقىلانعان.
«ناتيجەسىندە XIX عاسىردىڭ سوڭى مەن XX عاسىردىڭ باسىنداعى قازاق جانە ليتۆالىق ايەلدەردىڭ بەينەسىنە ارنالعان فوتوكورمە ۇيىمداستىرۋ جونىندە كەلىسىم جاسالدى», دەلىنگەن حابارلامادا.
