فوتو: استانا قالاسى اكىمدىگى
قالا اكىمدىگىنىڭ رەسمي سايتىنىڭ حابارلاۋىنشا, زاماناۋي جاساندى ينتەللەكت ەلەمەنتتەرىمەن جابدىقتالعان «تەمىربەك» – سويلەۋ, سۇراققا جاۋاپ بەرۋ, ادامدى قاشىقتان سەزۋ سەكىلدى مۇمكىندىكتەرگە يە. روبوت STEM باعىتى بويىنشا ءوتىپ جاتقان ۇيىرمەگە قاتىسىپ, وقۋشىلارمەن ەركىن بايلانىس ورناتتى.
«باستى ماقسات – وقۋشىلاردى بولاشاق تەحنولوگيالارىنا قىزىقتىرۋ, وسىنداي قۇرىلعىلاردى ءوز قولىمەن جاساۋعا ىنتالاندىرۋ. مۇنداي كەزدەسۋلەر بالالاردىڭ شىعارماشىلىق قابىلەتىن دامىتىپ, جاڭا يدەيالارعا شابىت بەرەدى», دەپ ءتۇسىندىردى مەكتەپ ديرەكتورى جانار ەرمۇحامبەتوۆا.
ال №74 مەكتەپ-گيمنازياسىنىڭ ينفورماتيكا ءپانى مۇعالىمى ايدانا ايتجانوۆا روبوتتىڭ ەرەكشەلىگىنە توقتالىپ ءوتتى.
«تەمىربەك» – مەكتەبىمىزدىڭ 7 جانە 11-سىنىپ وقۋشىلارى ءتورت ايدا جاساپ شىعارعان جوباسى. قازىر ول اشىق ساباقتار مەن ءىس-شارالاردا گيد رەتىندە بەلسەندى قاتىسىپ ءجۇر. بولاشاقتا ونى تولىق قوزعالا الاتىن, تاپسىرما ورىنداي الاتىن دەڭگەيگە جەتكىزۋ جوسپارلانىپ وتىر», دەدى ا.ايتجانوۆا.
