ء«بىز بىرگەمىز» قايىرىمدىلىق قورىنىڭ نەگىزىن قالاۋشىلاردىڭ ءبىرى پەريزات قايراتقا قاتىستى قىلمىستىق ءىس سوتقا تۇسكەن جوق. ەگەر پەريزات قايراتقا قاتىستى سوڭعى قىلمىستىق ءىس سوتقا جولدانسا جانە قوعام مەن زاڭگەرلەر قاۋىمداستىعىنان سۇرانىس بولسا, سوت وتىرىستارىن تىكەلەي ەفيردە كورسەتۋ ماسەلەسى قارالۋى مۇمكىن», دەلىنگەن جوعارعى سوتتىڭ رەسمي جاۋابىندا.
بۇعان دەيىن قارجى مونيتورينگى اگەنتتىگى قايرات پەريزات پەن ونىڭ اناسى عايني الاشباەۆاعا قاتىستى الاياقتىق, سونداي-اق قىلمىستىق جولمەن الىنعان اقشا مەن م ۇلىكتى زاڭداستىرۋ فاكتىلەرى بويىنشا سوتقا دەيىنگى تەرگەۋدى اياقتاعانى حابارلانعان بولاتىن. بيىلعى جىلدىڭ 19 ناۋرىزىنان باستاپ پروتسەسكە قاتىسۋشىلار 109 تومنان تۇراتىن قىلمىستىق ءىس ماتەريالدارىمەن تانىسا باستاعان. ۇرلانعان قارجىنىڭ جالپى كولەمى — 3,5 ملرد تەڭگە. قىلمىستىق جولمەن الىنعان, جالپى قۇنى 865 ملن تەڭگە بولاتىن بارلىق م ۇلىككە تىيىم سالىنعان.
قر قارجى مونيتورينگى اگەنتتىگى توراعاسىنىڭ ورىنباسارى جەڭىس ەلەمەسوۆ ماجىلىستە وتكەن بريفينگتە پەريزات قايرات ءىسى بويىنشا سوت قاشان باستالاتىنىن ايتتى.
«قىلمىستىق ءىس اياقتالدى. قازىر پروتسەستىڭ قاتىسۋشىلارى قىلمىستىق ءىس ماتەريالدارىمەن تانىسىپ جاتىر. ول بۇل پروتسەستى ادەيى سوزعاندىقتان, ارنايى گرافيك بەكىتىلدى, ول 9 ماۋسىمدا اياقتالادى. تانىسۋ اياقتالعاننان كەيىن قىلمىستىق-پروتسەسسۋالدىق كودەكسكە سايكەس, ونىڭ ءوزى مەن ادۆوكاتتارىنا ءوتىنىش بىلدىرۋگە ءۇش كۇن بەرىلەدى. سەبەبى, تانىسىپ شىققان سوڭ, ولاردىڭ تاراپىنان قانداي دا ءبىر وتىنىشتەر تۋىنداۋى مۇمكىن», دەدى جەڭىس ەلەمەسوۆ.
