ءىس-شارانى شالقار اۋدانى اكىمى ج.جيدەحانوۆ جانە اۋدان پروكۋرورى ن.قاتۋوۆ اشىپ, مەملەكەت باسشىسىنىڭ 2024 جىلعى 2 قىركۇيەكتەگى «ادىلەتتى قازاقستان: زاڭ مەن ءتارتىپ, ەكونوميكالىق ءوسىم, قوعامدىق وپتيميزم» اتتى جولداۋى نەگىزىندە جاساقتالعان زاڭ مەن ءتارتىپ يدەولوگياسىن ىلگەرىلەتۋ جونىندەگى 2025 – 2030 جىلدارعا ارنالعان تۇجىرىمداماسىنا ساي ۇيىمداستىرىلعانىنا نازار اۋداردى. بۇل اۋدان تۇرعىندارىنىڭ سالاۋاتتى ءومىر سالتىن ۇستانۋ مەن بۇقارالىق سپورتپەن اينالىسۋعا قۇلشىنىس تۋدىراتىن ماڭىزدى قادام ەكەندىگى اتاپ ءوتىلدى.
مارافونعا قاتىسۋشىلار جارىس جولىن ايتەكە بي مەن جەلتوقسان كوشەلەرىنىڭ قيىلىسىنان باستاپ, ەسەت كوتىبار ۇلى كوشەسىنىڭ بويىن جاعالاي ء وتىپ, ورتالىق ساياباقتا اياقتادى.
سايىس قورىتىندىسىندا ەڭ ۇزدىك شىققان 10 ەر جانە 10 ايەل ادامعا اۋدان اكىمىنىڭ اتىنان ەستەلىك مەدال, العىس حات, سىيلىقتارمەن قوسا, 3-ورىن العاندارعا 20 مىڭ تەڭگە, 2- ورىنعا 30 مىڭ تەڭگە, ەڭ ءبىرىنشى جەتكەن جەلاياقتارعا 50 مىڭ تەڭگەدەن تابىستالدى. قارجىلاي قولداۋ الداعى ۋاقىتتا مارافونعا قاتىسۋشىلار سانىن كوبەيتۋگە باعىتتالعان شارا دەپ اتاپ ءوتتى ۇيىمداستىرۋشىلار.
اقتوبە وبلىسى.
