اقتوبەلىك وقۋشىلار كونكيمەن سىرعاناۋدان جارىستى

اقتوبە. 15 اقپان. اقتوبەدە وقۋشىلار اراسىندا كونكيمەن سىرعاناۋدان قالالىق جارىس وتكىزىلدى. بۇل تۋرالى egemen.kz ءتىلشىسى حابارلادى. جارىستى ۇيىمداستىرۋدىڭ باستى ماقساتى وسكەلەڭ ۇرپاققا سالاۋاتتى ءومىر سالتىن ۇستانۋدى ناسيحاتتاۋ, سپورتتىڭ ادام دەنساۋلىعىنا ماڭىزى زور ەكەنىن ءتۇسىندىرۋ, سونداي-اق قىسقى سپورت تۇرلەرىن ودان ءارى دامىتۋعا قوزعاۋ سالۋ بولىپ تابىلادى. سايىستىڭ اشىلۋىنا اقتوبە قالاسى اكىمىنىڭ ورىنباسارى ايگۇل ارىنعازيەۆا قاتىسىپ, قاتىسۋشىلارعا ساتتىلىك تىلەدى. جارىسقا جەتى كومانداعا توپتاستىرىلعان جۇزدەن استام جاس كونكيشى قاتىستى. قازىر وبلىس ورتالىعىندا كونكي سپورتىنا قىزىعۋشىلىق ارتىپ كەلەدى. قالادا ءتۇرلى دەڭگەيدەگى 25 مۇز ايدىنى جۇمىس ىستەيدى. اقتوبە قالالىق دەنە تاربيەسى جانە سپورت ءبولىمىنىڭ باسشىسى ەۆگەني گونچاروۆتىڭ ايتۋىنشا, بولاشاقتا قىسقى سپورت تۇرلەرىن دامىتۋ ءۇشىن شاھاردا مۇز سارايىن سالۋ قاراستىرىلۋدا, ازىرگە اكىمدىك تاراپىنان وسى نىساندى قارجىلاندىرۋعا ىنتالى كاسىپكەرلەرمەن كەلىسسوزدەر جۇرگىزىلۋدە ەكەن. سونداي-اق ناۋرىز ايىندا مانەرلەپ سىرعاناۋدان جارىس ۇيىمداستىرۋ كوزدەلۋدە. ساتىبالدى ءساۋىرباي. دەرەك: egemen.kz. سۋرەت: total.kz.