اتىراۋ قالالىق سوتىنىڭ اقپاراتىنا قاراعاندا, تالاپ قويۋشى ا. جاۋاپكەر س.-دان جول-كولىك وقيعاسى سالدارىنان كەلتىرىلگەن ماتەريالدىق زالالدى ءوندىرۋدى سۇراعان.
«ازاماتتىق ءىس ماتەريالدارىنا سايكەس, جاۋاپكەر اتىراۋ قالاسىندا ءوزىنىڭ اۆتوكولىگىمەن تالاپ قويۋشىنىڭ كولىگىنە سوقتىعىسىپ, جول-كولىك وقيعاسىن جاساعان. ناتيجەسىندە تالاپ قويۋشىعا ماتەريالدىق زالال كەلتىرىلگەن. تالاپ قويۋشىنىڭ وكىلى جاۋاپكەردىڭ ارەكەتىمەن كەلتىرىلگەن 2 ملن 214 مىڭ 363 تەڭگە ماتەريالدىق زالالدى جانە سوت شىعىستارىن ءوندىرۋدى سۇرادى. اتىراۋ قالاسىنىڭ اكىمشىلىك قۇقىق بۇزۋشىلىقتار جونىندەگى مامانداندىرىلعان سوتىنىڭ قاۋلىسىمەن جاۋاپكەر اكىمشىلىك قۇقىق بۇزۋشىلىق تۋرالى كودەكسىنىڭ 610-بابىنىڭ 1-بولىگى بويىنشا اكىمشىلىك قۇقىق بۇزۋشىلىق جاساعانى ءۇشىن كىنالى دەپ تانىلدى», دەپ حابارلادى سوتتان.
الايدا, جاۋاپكەر وكىلى تالاپتى مويىنداماعان. تالاپ قويۋدى قاناعاتتاندىرۋدان باس تارتۋدى سۇرادى.
«سوت تالاپ قويۋدى قاناعاتتاندىردى. جاۋاپكەردەن تالاپ قويۋشىنىڭ پايداسىنا 2 ملن 214 مىڭ 363 تەڭگە ءوندىردى», دەپ ءمالىم ەتتى قالالىق سوتتان.
سوت شەشىمى زاڭدى كۇشىنە ەنگەن جوق.
