ۇيىمداستىرۋشىلاردىڭ ايتۋىنشا, دودا ورتالىق ازياداعى ەڭ ءىرى Tekken فاناتتار قاۋىمداستىعى — Qazaqstan Tekken Fighters (QTF) قولداۋىمەن وتپەك. بۇل – ءبىر مەزەتتە جانكۇيەرلىك پەن كاسىبي باسەكەنىڭ شەبەر ۇيلەسىمىن كورسەتەتىن ەرەكشە پلاتفورما بولعالى تۇر.
تۋرنير كۇنتىزبەسى تومەندەگىدەي:
-
9 شىلدە – قاتىسۋشىلاردى تىركەۋ, «Dragon Ball FighterZ» ويىنى بويىنشا ارناۋلى شارا;
-
10 شىلدە – نەگىزگى جارىستىڭ باستالۋى, «Guilty Gear Strive» ءتۋرنيرى;
-
11 شىلدە – پلەي-وفف كەزەڭى جانە «Street Fighter 6» ويىن الاڭى;
-
12 شىلدە – شەشۋشى فينال, ۇزدىك سەگىزدىك تارتىسى.
تۋرنير بارىسى تىكەلەي ەفيردە كورسەتىلەدى. كورەرمەندەر كاسىپقوي گەيمەرلەرمەن ەتەنە ارالاسىپ, ءتۇرلى شوۋ-ماتچتار مەن شاعىن سايىستارعا قاتىسا الادى. سونداي-اق, Tekken 8 ويىنىنا ارنالعان ەكسكليۋزيۆتى مەرچ ونىمدەرى ارنايى ۇسىنىلماق.
فەستيۆال ىشىندەگى تۋرنير Otaku Zone دەپ اتالاتىن ارنايى ايماقتا وتەدى. بۇل – انيمە, مانگا, ازيالىق ءسان مەن مۋزىكاعا قۇمار كورەرمەننىڭ سۇيىكتى مەكەنى. Otaku Zone اياسىنداعى گەيمەرلىك كەڭىستىك ءوز الدىنا ءبىر الەم: زاماناۋي جانە رەترو قۇرىلعىلار, تانىمال ويىندار, بلوگەرلەرمەن كووپەراتيۆ فورماتتاعى باتل – ءبارى ءبىر جەردە توعىسادى.
ويىن كىتاپحاناسىندا 1000-نان استام جوبا ۇسىنىلادى. قوناقتاردى ەكى ايماق قارسى الادى: ءبىرى – زاماناۋي قۇرىلعىلارعا ارنالعان (PlayStation 5, پك, رۋلدەر), ەكىنشىسى – كلاسسيكالىق كونسولدەر (SEGA, Nintendo, PS1, PS2). بۇل – تەك ويىن ەمەس, وتكەنگە ساياحات پەن بولاشاققا باعدار.
الاڭداعى ەڭ قىزىق نۇكتەلەردىڭ ءبىرى – «Retro Genesis» كومپانياسىنىڭ ستەندى. مۇندا ەكى ءتۇرلى جەلى تانىستىرىلادى:
-
Canonic – تۇپنۇسقا كارتريدجدەرمەن جۇمىس ىستەيتىن كلاسسيكالىق قۇرىلعى,
-
Fusion – بىرنەشە كونسولدىڭ فۋنكتسياسىن ءبىر قۇرىلعىعا توعىستىرعان زاماناۋي نۇسقا.
Comic Con Astana-2025 فەستيۆالىنىڭ باستى قوناعى – ەندي سەركيس, بريتاندىق اكتەر, رەجيسسەر جانە تسيفرلىق كەيىپكەرلەردى ەكرانعا شىعارۋدا توڭكەرىس جاساعان تۇلعا. ول – «ساقينالار امىرشىسىندەگى» گوللۋم, «مايمىلدار پلانەتاسىنداعى» تسەزار, Marvel الەمىندەگى ۋليسس كلو, «بەتمەندەگى» الفرەد رولدەرىمەن تانىمال. سونىمەن قاتار «ۆەنوم 2», «ماۋگلي» جانە الداعى ۋاقىتتا جارىق كورەتىن «ساقينالار ءامىرشىسى: گوللۋمعا اڭشىلىق» فيلمدەرىنىڭ رەجيسسەرى.
سونىمەن Comic Con Astana-2025 تەك پوپ-مادەنيەت مەرەكەسى عانا ەمەس, كيبەرسپورت پەن ينتەراكتيۆتى ويىن الەمىنىڭ توعىسقان ءىرى الاڭىنا اينالعالى وتىر. بۇل وقيعا استانانى جاھاندىق ويىن كارتاسىنا نىق ەنگىزەتىن ماڭىزدى قادام بولماق.
