پاۆلودار. 15 اقپان. س.تورايعىروۆ اتىنداعى پاۆلودار مەملەكەتتىك ۋنيۆەرسيتەتىندە «الەۋمەتتىك جەلىلەردەگى ءدىني ەكسترەميزمدى بولدىرتپاۋ جولدارى» اتتى ءدارىس وقىلدى. بۇل تۋرالى egemen.kz ءتىلشىسى حابارلادى.
ۋنيۆەرسيتەتتىڭ ەتنوسارالىق ۇدەرىستەردى زەرتتەۋ ايماقتىق عىلىمي-تاجىريبەلىك ورتالىعىنىڭ باسشىسى نۇرجامال تىشقانوۆا, ستۋدەنتتەر كاسىپوداق ۇيىمىنىڭ توراعاسى تىلەك ءماسالىم ستۋدەنتتەرگە ءدارىس وقىدى. ءدىني ەكسترەميزم ماسەلەلەرى جونىندە پىكىر الماسىپ, پىكىر سايىسقا تۇسكەن ستۋدەنتتەر, ماگيسترانتتار بەلسەندىلىك تانىتتى.
ستۋدەنتتەر اسحات تىلەۋلەن, دوسىمحان دوسىموۆتار وسى تاقىرىپتا جاساعان باياندامالارىن وقىپ بەردى. ستۋدەنتتەرگە ەكسترەميستىك ءدىني اعىمداردىڭ عالامتور-كەڭىستىگىندەگى پاراقشالارىن اجىراتا ءبىلۋدىڭ جولدارىن كورسەتتى. ارنايى كەڭەستەر بەرەتىن سايتتار ۇسىنىلدى. بيزنەس جانە قۇقىق فاكۋلتەتىنىڭ دەكانى تاحير ەرنازاروۆتىڭ ايتۋىنشا, ەلىمىزدە وتكەن جىلى ءدىني ەكسترەميزم مەن تەرروريزمدى ناسيحاتتاعانى ءۇشىن 50-گە تارتا سايت ءوز جۇمىسىن توقتاتقان. «ءبىلىم +» جوباسى اياسىندا ۋنيۆەرسيتەت پورتالىندا «rukhanialem.psu.kz» سايتى اشىلدى. بۇل سايتتا ءدىنتانۋ جانە مادەنيەتتانۋ باعىتتارىندا كەڭەس الۋعا بولادى. جوبا اياسىندا سەنىم تەلەفونى جۇمىس جاسايدى. شالىنعان قوڭىراۋلار قۇپيا ساقتالادى. نۇرجامال تىشقانوۆانىڭ ايتۋىنشا, جالپى, ۋنيۆەرسيتەت فاكۋلتەتتەرىندە مۇنداي دارىستەر وقۋدىڭ ماقساتى – ستۋدەنتتەردىڭ وزگە جولعا ءتۇسىپ كەتپەۋلەرىنە جول بەرمەۋ.
سونىمەن قاتار, قازاقستان مۇسىلماندارى ءدىني باسقارماسىنىڭ muftyat.kz سايتىنىڭ جۇمىسى ايماقتىق قۇرىلىمداردا جاقسى ناتيجەسىن بەرۋدە.
ايدار ورىسباەۆ.
دەرەك, سۋرەت: egemen.kz.
