فوتولار: قاراعاندى وبلىسى اكىمدىگى
«ەكى اۋىلدا دا 200-دەن استام ادام تۇرادى. تۇرعىندارعا قولايلى بولۋى ءۇشىن ءار ۇيگە سۋ تارتۋ جوباسى ازىرلەندى. وعان ماگيسترالدى جەلىلەر تارتۋ, سۋ ايدايتىن مۇنارالى سورعى ستانتسيالارىن ورناتۋ كىرەدى», دەدى قۇرىلىس ءبولىمىنىڭ باستىعى باحتيار مىرزالوۆ.
ياگودنىيدا نىسان ماۋسىم ايىنىڭ سوڭىنا دەيىن اياقتالادى دەپ كۇتىلىپ وتىر. ال سادوۆوەدا ازىرگە جۇمىستار جارتىلاي عانا جاسالعان – 4,2 كم سۋ قۇبىرىنىڭ 1,7-ءسى توسەلىپ, 21 قۇدىق ورناتىلعان. جۇمىستى تولىق اياقتاۋ قىركۇيەك ايىنا جوسپارلانعان.
اۋىل تۇرعىندارى ورتالىقتاندىرىلعان سۋ جۇيەسىنىڭ قوسىلۋىن اسىعا كۇتىپ ءجۇر.
ء«بىز مۇنداي وزگەرىستەرگە وتە قۋانىشتىمىز. ءوزىمىزدىڭ سۋ قۇبىرىمىز بولسا دا, بىرەسە سورعىلار جانىپ كەتىپ, بىرەسە باسقا دا اقاۋلار پايدا بولاتىن. ەندى ۇيگە سۋ جەلىسى قوسىلسا تىپتەن تاماشا عوي», دەيدى سادوۆوە تۇرعىنى نينا پاۆليۋششەنكو.
شاعىن ەلدى مەكەندەردە بلوكتى-ءمودۋلدى سۋ تازارتۋ ستانتسيالارى ورناتىلادى. جون, تاسزايمكا, ۆوسحود, سۋارمالى, پاحوتنىي اۋىلدارىندا جۇمىستار جۇرگىزىلىپ جاتىر. ۇڭعىمالار دايىن, ستانتسيالار قۇراستىرىلىپ جاتىر, جابدىقتار شىلدە ايىندا جەتكىزىلەدى.
وسىلايشا, اباي اۋدانىندا حالىقتى ساپالى اۋىز سۋمەن قامتاماسىز ەتۋ باعدارلاماسى تولىق اياقتالادى.
