فوتو: كتج
«جولاۋشىلار تاسىمالى» اق جىلجىمالى قۇرامدى جاڭارتۋ باعدارلاماسى اياسىندا ءبىرىنشى, ەكىنشى جانە ءۇشىنشى كلاسستاردان تۇراتىن جاڭا ەلەكتر پويىزىن پايدالانۋعا بەرۋدى جوسپارلاپ وتىر.
بۇل قۇرام استانا – بۋراباي باعىتى بويىنشا قاتىنايتىن بولادى. پويىز التى ۆاگوننان تۇرادى جانە 374 جولاۋشىعا ارنالعان.
قازىرگى ۋاقىتتا قۇرام بارلىق قاجەتتى تەحنيكالىق سىناقتاردان وتكەن. قازىر كەدەن وداعىنىڭ تەحنيكالىق رەگلامەنتى تالاپتارىنا سايكەس قۇجاتتاردى راسىمدەۋ اياقتالىپ جاتىر.
پويىزدى جوبالاۋ بارىسىندا قولجەتىمدىلىك پەن ينكليۋزيۆتىلىككە ەرەكشە نازار اۋدارىلعان. ءار كلاسستا بيواجەتحانالار ورناتىلعان, سونىڭ ىشىندە مۇگەدەكتىگى بار جاندارعا بەيىمدەلگەن كابينالار قاراستىرىلعان. سونداي-اق مۇمكىندىگى شەكتەۋلى ازاماتتارعا ارنالعان پلاتفورمالىق كوتەرگىشتەر ورناتىلعان.
اۆتوماتتى تۇردە اشىلىپ-جابىلاتىن باسقىشتار جولاۋشىلاردىڭ پويىزعا جايلى ءمىنۋىن جانە ءتۇسۋىن قامتاماسىز ەتەدى, اسىرەسە ەگدە جاستاعى ادامدار مەن بالالى وتباسىلار ءۇشىن. ءاربىر ورىن USB پورتتارىمەن جابدىقتالعان, بۇل ءموبيلدى قۇرىلعىلاردى قۋاتتاۋعا مۇمكىندىك بەرەدى. سونىمەن قاتار, پويىزدا سۋسىندار مەن جەڭىل تاعامدار ساتىلاتىن ورىن قاراستىرىلعان.
بۇعان دەيىن «جولاۋشىلار تاسىمالى» اق Comfort+ ساناتىنداعى التى ۆاگوندى ەلەكتر پويىزىن №6857/6858 استانا – قاراعاندى باعىتىنا ىسكە قوسقان بولاتىن. بۇل قۇرام 576 جولاۋشىعا ارنالعان.
