ناۋرىز الاڭىنداعى «وركەسترلەر شەرۋى» فەستيۆالى تۇڭعىش رەت شىمكەنتتە ءوتىپ وتىر. وعان ەلىمىزدىڭ تۇكپىر-تۇكپىرىنەن ءارتۇرلى مۋزىكالىق ۇجىمدار قاتىستى.
قالالىق فيلارمونيانىڭ ۇلت-اسپاپتار, وپەرا جانە بالەت تەاترىنىڭ سيمفونيالىق وركەسترى سىدىق مۇحامەدجانوۆتىڭ «شاتتىق وتانى» شىعارماسىن ورىنداپ, فەستيۆال شىمىلدىعىن ءتۇردى. قوس وركەستردىڭ قوس ديريجەرمەن ونەر كورسەتۋى كورەرمەندى ىستىق ىقىلاسقا بولەدى. ۇلت-اسپاپتار وركەسترىمەن قوسا, كامەرالىق, ەسترادالىق, ۇرمەلى جانە دجاز وركەسترلەرى دە ءوز ونەرلەرىن كوپشىلىككە پاش ەتتى.
ۇيىمداستىرۋشىلار مۇنداي اۋقىمدى مادەني ءىس-شارا بۇدان بىلاي ءۇشىنشى مەگاپوليستە تۇراقتى تۇردە جالعاسىن تاباتىنىن جەتكىزدى. وسىناۋ قىزىقتى فەستيۆال 18 ماۋسىم كۇنى وركەسترلەر اراسىنداعى مۋزىكالىق «ايتىسپەن» قورىتىندىلاندى.
سونىمەن قاتار مەرەكە اياسىندا پۋشكين اتىنداعى قالالىق كىتاپحانادا «شىمكەنت – قىزعالداقتار قالاسى» اتتى حالىقارالىق سۋرەتشىلەر سيمپوزيۋمى باستالادى. وعان قىرعىزستان, وزبەكستان, رەسەي, تۇركيا ەلدەرىنەن جانە رەسپۋبليكامىزدىڭ ءارتۇرلى وڭىرىنەن بەلگىلى قىلقالام شەبەرلەرى قاتىسادى دەپ كۇتىلىپ وتىر. ادامنىڭ جاندۇنيەسىن قىلقالاممەن تەربەتكەن سۋرەتشىلەر سيمپوزيۋم بارىسىندا شاھاردىڭ ەڭ كورىكتى جەرلەرىن اۋەلگىدە اق كەنەپكە بەينەلەسە, كەيىن 45 كارتينا قالالىق مۋزەي قورىنا تابىستالادى.
سونداي-اق قالا كۇنى قارساڭىندا ناۋرىز الاڭىندا وتكەن «Otbasy Fest» مەرەكەلىك ءىس-شاراسىندا بىرنەشە وتباسىنا پاتەر كىلتتەرى تابىس ەتىلدى. تۇرعىنداردىڭ باسپانالى بولۋىنا «Otbasy bank» ىسكە قوسقان وڭىرلىك «قامقور» باعدارلاماسى سەپتىگىن تيگىزدى. جەڭىلدەتىلگەن نەسيەگە نەگىزدەلگەن وسى باعدارلامانىڭ كومەگىمەن جيىرما وتباسى باسپانالى بولدى.
بارلىق تۇرعىن ءۇي̆ شاھاردىڭ ينفراقۇرىلىمى دامىعان ايماعىندا ورنالاسقان. جاۋاپتى سالا ماماندارىنىڭ ايتۋىنشا, ءدال قازىرگى تاڭدا «قامقور» وڭىرلىك باعدارلاماسى تۇرعىنداردى باسپانالى ەتۋدىڭ ەڭ بىرەگەي̆ ءارى ءتيىمدى جوباسى بولىپ تابىلادى. ايتا كەتكەن ءجون, بۇگىنگە دەيىن شىمكەنت قالاسى اكىمدىگىنىڭ وڭىرلىك باعدارلاماسى ارقىلى 368 تۇرعىنعا باسپانا بەرىلگەن ەكەن.
شىمكەنت
