سونىمەن III دارەجەلى «بارىس» وردەنىمەن مەديتسينا عىلىمدارىنىڭ دوكتورى, مەملەكەت قايراتكەرى ۆاسيلي دەۆياتكو ماراپاتتالدى. «پاراسات» وردەنىن «ۇلتتىق مەديتسينالىق قاۋىمداستىق» رەسپۋبليكالىق قوعامدىق بىرلەستىگىنىڭ پرەزيدەنتى ايجان سادىقوۆا الدى. «قۇرمەت» وردەنىمەن ا.ن.سىزعانوۆ اتىنداعى ۇعحو جالپى حيرۋرگيا ءبولىمىنىڭ مەڭگەرۋشىسى ەرلىك نۇرلانباەۆ ماراپاتتالدى. «قازاقستاننىڭ ەڭبەك سىڭىرگەن دارىگەرى» قۇرمەتتى اتاعى وتورينولارينگولوگ-دارىگەر ايسۇلۋ نۇرماعامبەتوۆاعا بەرىلدى.
دارحان ساتىبالدى دەنساۋلىق ساقتاۋ سالاسىنىڭ تۇراقتى دامۋى كاسىبي بىلىكتى, ىسىنە شىنايى بەرىلگەن ءارى مىقتى مامانداردىڭ ارقاسىندا ەكەنىن ءوتىپ, مەملەكەت باسشىسىنىڭ اتىنان بارلىق مەديتسينا قىزمەتكەرىنە جانكەشتى ەڭبەگى ءۇشىن العىس ءبىلدىردى.
ء«بىز ءۇشىن ساپالى مەديتسينالىق كومەكتىڭ قالانىڭ بارلىق اۋداندارىندا قولجەتىمدى بولۋى ماڭىزدى. ءبىز ەل پرەزيدەنتى بەلگىلەگەن باعىتتى جالعاستىرامىز. اتاپ ايتساق, ينفراقۇرىلىمدى جاڭارتۋ, مەكەمەلەردى تەحنيكالىق قايتا جاراقتاندىرۋ, كادرلىق الەۋەتتى دامىتۋ جانە اۋرۋحانالاردا دا, ەمحانالاردا دا مەديتسينالىق قىزمەتتىڭ قولجەتىمدىلىگىن ارتتىرۋ», دەدى الماتى اكىمى كەزدەسۋگە قاتىسۋشىلارعا ارناعان سوزىندە.
