تەلەفون ارقىلى سويلەستى

29 ماۋسىم كۇنى ەقىۇ-نىڭ ءىس باسىنداعى توراعاسى, قازاقستان رەسپۋبليكاسىنىڭ مەملەكەتتىك حاتشىسى – سىرتقى ىستەر ءمينيسترى قانات ساۋداباەۆ اقش-تىڭ مەملەكەتتىك حاتشىسى حيللاري كلينتونمەن تەلەفون ارقىلى سويلەستى. اڭگىمەلەسۋشى تاراپتار قىر­عىز­ستاندا 27 ماۋسىمدا وتكەن رەفەرەن­دۋم­دى تالقىلاي وتىرىپ, پلەبيس­تسيت ايتارلىقتاي ەرەجە بۇزۋشى­لىق­تارسىز, تىنىش جاع­دايدا وتكەنى تۋرالى حالىقارالىق باقىلاۋ­شى­لار بەرگەن باعامەن كەلىستى. ەكەۋارا اڭگىمەدە جاقىن ارادا سەنىم مەن توزىمدىلىك جاعدايىن قاي­تا ورناتۋ ماڭىزدىلىعى اتالىپ ءوتىل­دى. سول ماقساتتا قىرعىزستان مەن وزبەكستانعا ەقىۇ-نىڭ ۇلت­تىق ازشىلىق جونىندەگى جوعارعى كوميسسارى ك.ۆوللەبەك ساپار جاساماق. سونىمەن قاتار, ۇيىمنىڭ سام­ميتىن, 16-17 شىلدە ارالىعىندا الماتىدا وتەتىن ەقىۇ سىرتقى ءىس­تەر مينيسترلەرىنىڭ بەيرەسمي كە­ڭەسىن وتكىزۋ مەن دايىندىق شارا­لارى قاراستىرىلدى. اقش مەملەكەتتىك حاتشىسى قا­زاقستان پرەزيدەنتى ن.نازار­باەۆ­قا جانە ەقىۇ-داعى قازاق­ستان­دىق توراعالىققا ورتالىق ازيا ايماعىندا بەيبىتشىلىك پەن قاۋىپسىزدىك ورناتۋداعى ۇلەسى ءۇشىن العىسىن ءبىلدىرىپ, قولدايتىندىعىن جەتكىزدى, دەپ حابارلادى قر ءسىم ءباسپاسوز قىزمەتى.