اتىراۋدىڭ ەكى تۇرعىنى ۆولگوگرادتا قايتىس بولدى

اتىراۋ. 14 اقپان. اتىراۋ وبلىسىنىڭ ەكى تۇرعىنى رەسەيدىڭ ۆولگوگراد قالاسىندا كولىك ىشىندە قايتىس بولدى. بۇل تۋرالى egemen.kz ءتىلشىسى حابارلادى. الدىمەن بۇل اقپاراتتى رەسەيلىك ءباسپاسوز قۇرالدارى تاراتقان ەدى. «كومسومولسكايا پارۆدا ۆ ۆولگوگرادە» گازەتىنىڭ حابارلاۋىنشا, وقىس وقيعا 6 اقپان كۇنى بولعان. سول كۇنى قوراپتى «گازەل» كولىگىنىڭ سالونىنان 27 جاستاعى جۇرگىزۋشى جىگىت پەن 20 جاسار جولاۋشى قىزدىڭ دەنەلەرى تابىلعان. ەكەۋىنىڭ دە اتىراۋ قالاسىنىڭ تۇرعىنى ەكەنى انىقتالعان. اتىراۋلىق تۇرعىندار ۆولگوگرادقا «ياماحا» موتوتسيكلىن ساتىپ الۋعا بارعانعا ۇقسايدى. ويتكەنى, كولىكتىڭ قورابىنا اتالعان ماركىلى موتوتسيكلى تيەلىپتى. اتىراۋ تۇرعىندارى ىزدەگەن زاتى تابىلعاننان كەيىن اتىراۋعا قاراي جولعا شىقپاس بۇرىن ۇيىقتاپ الۋدى كوزدەگەن بولۋى مۇمكىن. سول كەزدە كولىكتىڭ تەحنيكالىق اقاۋلىعىنان گازعا ۋلانۋى جونىندەگى بولجام تەرىسكە شىعارىلماي وتىر. «بۇل وقىس وقيعا رەتىندە تىركەلدى. مارقۇمداردىڭ تۋىستارى اتىراۋ قالالىق ىشكى ىستەر باسقارماسىنا ۆولگوگرادتاعى سوت-مەديتسينا ساراپشىلارى شىعارعان قورىتىندىنى ۇسىنىپ, قايتىس بولعانى جونىندە انىقتاما سۇرادى. قورىتىندى مارقۇمدار دەنەلەرىندە كۇشتەۋ, زورلىقپەن ءولتىرۋ ىزدەرى انىقتالماعانى ايتىلماعان», دەپ حابارلادى اتىراۋ وبلىستىق ىشكى ىستەر دەپارتامەنتىنىڭ ءباسپاسوز حاتشىسى گۇلنازيرا مۇحتاروۆا. جولداسبەك شوپەعۇل. دەرەك: egemen.kz. سۋرەت: favorit-service.ru.