فوتو: اشىق دەرەككوز
ۇلتتىق ستاتيستيكا بيۋروسىنىڭ دەرەگىنشە, قۇرىلىس نارىعىنداعى نەگىزگى سالماقتى جەكە قۇرىلىس ۇيىمدارى كوتەرىپ وتىر, ياعني جالپى كولەمنىڭ 91,2%-ى وسى سەكتوردىڭ ۇلەسىندە. شەتەلدىك قۇرىلىس ۇيىمدارىنىڭ ۇلەسى – 7,7%, ال مەملەكەتتىك مەكەمەلەر – نەبارى 1,1% جۇمىس اتقارعان.
قۇرىلىس كولەمىنىڭ ۇلعايۋى, اسىرەسە, يماراتتار (20,7%) مەن تۇرعىن ەمەس عيماراتتاردىڭ (11,6%) قۇرىلىسى جانە جوندەۋ جۇمىستارىنىڭ قارقىن الۋىمەن بايلانىستى.
قۇرىلىس باعىتتارى بويىنشا:
- تۇرعىن ەمەس عيماراتتار قۇرىلىسى – 25%;
- اۆتوموبيل, تەمىرجول جانە مەتروپوليتەن قۇرىلىسى – 19,7%;
- تۇرعىن ۇيلەر سالۋ – 13,3%.
بۇل كورسەتكىشتەر سالادا كوممەرتسيالىق جانە ينفراقۇرىلىمدىق جوبالاردىڭ باسىمدىققا يە ەكەنىن كورسەتەدى.
سونىمەن قاتار ەلىمىزدىڭ 18 وڭىرىندە قۇرىلىس جۇمىستارى كولەمىنىڭ ارتۋى تىركەلگەن. ەڭ جوعارى ءوسىم كەلەسى ايماقتاردا بايقالدى:
- ماڭعىستاۋ وبلىسى – 2 ەسە;
- قىزىلوردا وبلىسى – 64,5%;
- تۇركىستان وبلىسى – 46,6%;
- استانا قالاسى – 51,8%;
- اقمولا وبلىسى – 39,8%;
- پاۆلودار وبلىسى – 37,4%;
- الماتى قالاسى – 24%
