فوتو: سۋ رەسۋرستارى جانە يرريگاتسيا مينيسترلىگى
ەسكە سالايىق, قازاقستان مەن قىتايدىڭ سۋ ۆەدومستۆولارى بيىل ناۋرىز ايىندا العاش رەت ءوزارا تۇسىنىستىك پەن ىنتىماقتاستىق تۋرالى مەموراندۋمعا قول قويعان. قۇجات سۋ رەسۋرستارىن ءتيىمدى ءارى تۇراقتى پايدالانۋ, زاماناۋي تەحنولوگيالاردى ەنگىزۋ, بالامالى سۋ كوزدەرىن ءبولۋ مەن يگەرۋ, تاجىريبە الماسۋ جانە بىرلەسىپ ماماندار دايارلاۋ سياقتى باعىتتاردا ەكىجاقتى ىنتىماقتاستىقتى نىعايتۋدى كوزدەيدى. سونىمەن قوسا, مامىر ايىنىڭ سوڭىندا سۋ مينيسترلىگىنىڭ باسشىسى نۇرجان نۇرجىگىتوۆ Power China باس ديرەكتورى ۆان بينمەن كەزدەسكەنى ءمالىم.
ء«بىز تاعىلىمدامالار مەن ءبىلىم بەرۋ باعدارلامالارىن بىرلەسىپ ازىرلەۋ, سونداي-اق ءبىلىم, تاجىريبە جانە تەحنولوگيالارمەن الماسۋ باستامالارىن تالقىلاۋعا دايىنبىز. ەكى ەل اراسىنداعى تىعىز ىنتىماقتاستىق قازاقستاننىڭ سۋ سالاسىنداعى كادرلىق الەۋەتىن دامىتۋعا سەپتىگىن تيگىزەدى دەپ سەنەمىن. سونىمەن قاتار بۇل ستراتەگيالىق ارىپتەستىگىمىزدى دە نىعايتا تۇسەدى», دەدى ن.نۇرجىگىتوۆ.
