فوتو: ۇكىمەتتىڭ ءباسپاسوز قىزمەتى
كەزدەسۋ اياسىندا QazaqGaz ۇلتتىق كومپانياسى مەن Shandong Energy Group Co. اراسىندا قاراعاندى وبلىسىندا كومىردەن گاز وندىرەتىن جاڭا ءوندىرىس ورنىن سالۋ جوسپارلارى نازارعا الىنعان. جوبانىڭ جىلدىق قۋاتتىلىعى 2 ميلليارد تەكشە مەتر گاز. سونىمەن قاتار, جوبانىڭ ىسكە اسۋى 1,5 مىڭ تۇراقتى جۇمىس ورنىن قۇرۋعا مۇمكىندىك بەرەدى.
ولجاس بەكتەنوۆ قازاقستان ۇكىمەتى قىتاي حالىق رەسپۋبليكاسىمەن جان-جاقتى ەكونوميكالىق ىنتىماقتاستىقتى دامىتۋعا, سونىڭ ىشىندە كومىر حيمياسى سالاسىندا ءوزارا ءتيىمدى جوبالاردى ىسكە اسىرۋعا ۇلكەن ءمان بەرەتىنىن اتاپ ءوتتى.
ءوز كەزەگىندە, Shandong Energy Group باسقارما توراعاسى لي ۆەي قازاقستانمەن ارىپتەستىكتى نىعايتۋعا جانە ونەركاسىپتىك جوبالارعا ينۆەستيتسيا سالۋعا قىزىعۋشىلىق تانىتتى. ول قازاقستان نارىعىنداعى كومىر حيمياسى سالاسىنىڭ بولاشاعىن جوعارى باعالايتىنىن جەتكىزدى.
كەزدەسۋ سوڭىندا تاراپتار ءوزارا ءتيىمدى كەلىسسوزدەردى جالعاستىرىپ, جوبانى تابىستى ىسكە اسىرۋ ءۇشىن بىرلەسكەن ءىس-قيمىل مەن اشىق ديالوگقا دايىن ەكەندىكتەرىن مالىمدەدى.
