وبلىس اكىمى داستان رىسپەكوۆ قۇتتىقتاۋ سوزىندە «ادام ومىرىنەن ارتىق قىمبات ەشتەڭە جوق. ال سول ءومىر مەن دەنساۋلىقتى ساقتاۋ جولىندا ۋاقىتپەن ساناسپاي ەڭبەك ەتىپ جۇرگەن سىزدەردىڭ قىزمەتتەرىڭىز – ەرەكشە قۇرمەت پەن العىسقا لايىق», دەدى.
مەرەكەلىك شارادا ۇلىتاۋ وبلىسى اكىمىنىڭ ارنايى «ۇزدىك پەدياتر», «ۇزدىك تەراپەۆت», «ۇزدىك حيرۋرگ», «ۇزدىك سانيتارلىق دارىگەر», «دەنساۋلىق ساقتاۋ سالاسىنداعى ۇزدىك مەنەدجەر», «ستاتسيوناردىڭ ۇزدىك دارىگەرى», «كاسىبىنە ادالدىعى ءۇشىن», ء«بىلىم بەرۋ مەكەمەلەرىندەگى ۇزدىك مەديتسينا قىزمەتكەرى», «ۇزدىك اكۋشەر-گينەكولوگ», «ۇزدىك جالپى تاجىريبەلى دارىگەر», «ۇزدىك اۋىل دارىگەرى», «ۇزدىك اكۋشەركا», «ۇزدىك فەلدشەر», «العاشقى مەديتسينالىق-سانيتارلىق كومەكتىڭ ۇزدىك مەدبيكەسى», «ستاتسيوناردىڭ ۇزدىك مەدبيكەسى» اتالىم جەڭىمپازدارىنا ارنايى سىي-سياپات جاسالدى.
ۇلىتاۋ وبلىسىنىڭ اكىمى «جىل دارىگەرى» اتالىمىنىڭ جۇلدەگەرى جەزقازعان قالاسىنداعى وبلىستىق كوپبەيىندى اۋرۋحانانىڭ پەدياتريالىق قىزمەتتىڭ مەڭگەرۋشىسى قاۋكەر جاقسىگەلدىقىزىنا ءبىر ميلليون تەڭگەلىك سەرتيفيكاتتى تارتۋ ەتتى.
وبلىستىڭ بىرقاتار دارىگەرى قر دەنساۋلىق ساقتاۋ مينيسترلىگىنىڭ «ەڭبەك ارداگەرى» مەدالىمەن, «دەنساۋلىق ساقتاۋ ىسىنە قوسقان ۇلەسى ءۇشىن» توسبەلگىسىمەن, «دەنساۋلىق ساقتاۋ ءىسىنىڭ ۇزدىگى» توسبەلگىسىمەن, دەنساۋلىق ساقتاۋ مينيسترلىگىنىڭ قۇرمەت گراموتاسىمەن, ۇلىتاۋ وبلىسى اكىمىنىڭ العىسحاتىمەن, دەنساۋلىق ساقتاۋ مينيسترلىگىنىڭ العىسحاتىمەن جانە ۇلىتاۋ وبلىسىنىڭ قۇرمەت گراموتاسىمەن ماراپاتتالدى.
سونىمەن قاتار سالا ۇزدىكتەرىنە «AQNIET» سالالىق كاسىپوداعىنىڭ «كاسىپوداققا سىڭىرگەن ەڭبەگى ءۇشىن» توسبەلگىسى, «SENIM» دەنساۋلىق ساقتاۋ جۇيەسى جۇمىسكەرلەرىنىڭ سالالىق كاسىپتىك وداعى» رەسپۋبليكالىق قوعامدىق بىرلەستىگىنىڭ ۇزدىگى» توسبەلگىسى تابىس ەتىلدى.
سالتاناتتى شارانىڭ سوڭى كونتسەرتكە ۇلاستى.
ۇلىتاۋ وبلىسى
