پاۆلودار وبلىسىنىڭ قايتا وڭدەۋشىلەر قاۋىمداستىعىنىڭ توراعاسى جانار سەرىموۆانىڭ ايتىنشا, ايماقتا 21 ديىرمەن بار. الايدا سونىڭ تەك 8-ءى عانا جۇمىس ىستەپ تۇر.
-جۇمىس ىستەپ تۇرعان ديىرمەندەر نەبارى 30 پايىز جۇكتەمەمەن تابىستارىن ارەڭ تاۋىپ تۇر. بۇل – تۇراقتى شيكىزاتتىڭ جەتىسپەۋىنەن. ءبىزدىڭ كاسىپورىندار جىل ون ەكى اي بويى بيداي ساتىپ الۋعا دايىن, بىراق ول بىزگە جەتپەيدى. ارزان باعاداعى قازاقستاندىق بيداي اۋعانستان مەن وزبەكستانعا ەكسپورتقا كەتىپ جاتىر. ال وتاندىق قايتا وڭدەۋشىلەر نارىقتان تىس قالۋدا. جاعدايدىڭ ۋشىعۋىنا رەسەي ۇنىنىڭ باسىمدىلىعى دا اسەر ەتۋدە. ءبىز بيدايدىڭ ەكسپورتىن قولدايمىز. بىراق بيدايدى ۇنعا اينالدىرىپ ساتۋ تيىمدىرەك ەمەس پە؟ قازىر بارلىق نارىقتار رەسەيلىك ۇنعا تولى. ءبىزدىڭ سالا 14 جىلدان بەرى دامىماي, ءبىر ورىندا تۇرىپ قالعانداي. كەزىندە وبلىستا 150 ديىرمەن بولاتىن. قازىر ونىڭ جارتىسى مال ازىعىنا ارنالعان ۇن عانا شىعارادى,-دەيدى ول.
كاسىپكەرلەردىڭ سوزىنشە, قوسىلعان قۇن سالىعىن قايتارۋ دا كۇردەلى بولىپ تۇر. بىراق ەڭ باستىسى - شيكىزاتتىڭ تاپشىلىعى.
