اسسامبلەيا مەرزىمىنەن بۇرىن پرەزيدەنت سايلاۋىن وتكىزۋدى ۇسىندى

استانا. 14 اقپان. قازاقستان حالقى اسسامبلەياسى بيىل مەرزىمىنەن بۇرىن پرەزيدەنت سايلاۋى وتكىزۋدى ۇسىندى. بۇل تۋرالى «راديوتوچكا» حابارلادى. پارلامەنت ماجىلىسىنە قازاقستان حالقى اسسامبلەياسىنان سايلانعان دەپۋتات احمەت مۋرادوۆ «راديوتوچكا» تىلشىسىنە اسسامبلەيانىڭ پرەزيدەنت سايلاۋىن مەرزىمىنەن بۇرىن وتكىزۋ تۋرالى باستاما كوتەرىپ وتىرعانىن جەتكىزدى. «بۇگىن قازاقستان حالقى اسسامبلەياسى كەڭەسىنىڭ وتىرىسى بولىپ, وندا بۇرىنعى سەناتور, قازىرگى اسسامبلەيا توراعاسىنىڭ ورىنباسارى اناتولي باشماكوۆ ءسوز سويلەدى. ءوز سوزىندە اناتولي افاناسەۆيچ كەڭەستىڭ قولداۋ بىلدىرۋىمەن اسسامبلەيا اتىنان 2015 جىلى كەزەكتەن تىس, مەرزىمىنەن بۇرىن قازاقستان رەسپۋبليكاسى پرەزيدەنتىنىڭ سايلاۋىن وتكىزۋ جونىندە باستاما ەنگىزدى. ۇندەۋ كەڭەستىڭ اتىنان قابىلدانىپ, داۋىس بەرىلدى», - دەدى احمەت مۋرادوۆ تەلەفونمەن اگەنتتىك تىلشىسىنە. «بۇل نەدەن تۋىنداپ وتىر؟», - دەگەن سۇراق قويىلدى ءتىلشى تاراپىنان. «ماسەلە مىنادا, 2016 جىلى كونستيتۋتسياعا سايكەس, پرەزيدەنت پەن پارلامەنت سايلاۋلارى وتۋگە ءتيىس. سول كونستيتۋتسيا بويىنشا, ءبىر جىلدىڭ ىشىندە بۇل ەكى ناۋقاندى قاتار وتكىزۋگە بولمايدى. بۇل – ءبىر. ەكىنشىدەن. ءسىز تۇسىنەسىز بە, ونى جۇرتتىڭ ءبارى ءبىلىپ وتىر, قازىرگى تاڭدا وقيعالاردىڭ قانشالىقتى جىلدام قارقىندا دامىپ بارا جاتقانى سونداي, 2016 جىلى ونىڭ «شىڭىنا» شىققان كەزدە ەكى بىردەي ناۋقاندى وتكىزۋ سايلاۋشىلار ءۇشىن دە, ساياسي جۇيە رەتىندە مەملەكەت ءۇشىن دە وتە اۋىر جۇك بولماق», - دەپ ءتۇسىندىردى ءماجىلىس دەپۋتاتى. احمەت مۋرادوۆتىڭ سوزىنە قاراعاندا, قازاقستان حالقى اسسامبلەياسى مۇشەلەرىنە مۇنداي شەشىمدى ۋاقىتتىڭ ءوزى قابىلداتتىرىپ وتىر. «نۇرسۇلتان ءابىش ۇلى, بايقايسىزدار ما, وتكەن جىلدان بەرى تۇراقتى تۇردە ۇدايى ءارتۇرلى باستامالار كوتەرىپ كەلەدى, وسىعان وراي ۇكىمەت پەن پارلامەنت سينحروندى رەجيممەن جۇمىس جاساۋدا. ءبىزدىڭ «قازاقستان – 2050» ستراتەگيامىز ارقىلى بولاشاق بولجانىپ, ەكونوميكالىق رەفورمالارىمىز, شاعىن جانە ورتا بيزنەستى قولداۋ, ينۆەستيتسيالىق كليماتتى جاقسارتۋ جايلارىنا قاتىستى ماسەلەلەرى زاڭنامامەن قاراستىرىلعان «نۇرلى جول» اتتى جاڭا ەكونوميكالىق ساياساتتى جۇزەگە اسىرۋ قولعا الىندى. مۇنىڭ ءبارىن تابىستى تۇردە جۇزەگە اسىرۋ ءبىر جاعدايدا, ءبىز قوعامدىق كەلىسىمدى, ۇلتتىق بىرلىكتى, ۇلت ليدەرى مەن حالىق بىرلىگىن قامتاماسىز ەتكەندە عانا مۇمكىن بولادى», - دەپ اتاپ ءوتتى ول. دەپۋتات بۇدان ءارى قازاقستان حالقى اسسامبلەياسىنىڭ ءوز توراعاسى نۇرسۇلتان نازارباەۆقا قولداۋ كورسەتەتىنىنە توقتالدى. ول سوندىقتان دا تاپ وسىنداي ينيتسياتيۆامەن جۇرت الدىنا شىعىپ وتىر. «قالاي ويلايسىز, سىزدەردىڭ ۇسىنىستارىڭىز قابىلدانا ما؟» «ءبىز ءوز ۇسىنىسىمىزدىڭ قابىلداناتىنىنا ءۇمىت ارتامىز. مۇنىڭ ۇستىنە, ول كەڭەستىڭ شاعىن شەڭبەرىندە عانا قابىلدانا سالعان جوق. شەشىم سايلاۋشىلاردىڭ, اسسامبلەيا دەپۋتاتتارىنىڭ, ءبىزدىڭ ەتنوستىق توپتارىمىز مۇشەلەرىنىڭ كوپتەن-كوپ تىلەكتەرى مەن ۇسىنىستارى نەگىزىندە قابىلداندى. كەڭ اۋقىمدا العاندا, قازاقستان حالقى اسسامبلەياسى – قازاقستاننىڭ بارلىق حالقى ەسەپتەس. بۇل تەزيستى ەشكىم جوققا شىعارا المايدى», - دەدى ءماجىلىسشى. احمەت مۋرادوۆتىڭ پىكىرىنشە, بۇگىنگى كۇنى ەلىمىزدىڭ باستى ستراتەگيالىق جوسپارلارىن جۇزەگە اسىرۋدىڭ شارتتارىن جاساپ الۋدىڭ ماڭىزى زور. «ءبىز سونىمەن بىرگە وسى كەزدە وزىمىزگە سىرتتان دا, ىشتەن دە ءارتۇرلى كوپتەگەن ىقپال ەتۋشىلىك بار ەكەنىن بايقاپ ءجۇرمىز. سوندىقتان ءبىز قولدا بار نارسەلەرىمىزدىڭ ءبارىن قازىر العا قويعان مىندەتتەرىمىزدى ەش الاڭسىز ءىس جۇزىنە اسىرۋ ءۇشىن بەكەمدەپ الۋىمىز كەرەك. ءوزىمىزدىڭ باستى ستراتەگيالىق باعدارلامالارىمىزدى جۇزەگە اسىرۋ ءۇشىن ەكونوميكالىق, ساياسي, كەرەك دەسەڭىز, مورالدىق-پسيحولوگيالىق بازامىزدى جاساپ الۋىمىز كەرەك», - دەپ تۇيىندەدى دەپۋتات. ساكەن مايلىباي. دەرەك: راديوتوچكا.