ولار تۇركىستان وبلىستىق «پسيحيكالىق دەنساۋلىق ورتالىعىنىڭ» №3 ايەلدەر بولىمشەسىندە سانيتار-باقىلاۋشى بولىپ قىزمەت اتقارعان. تەرگەۋ بارىسىندا انىقتالعانداي وتكەن جىلى شىلدە ايىندا ەكەۋى جۇمىس كەزىندە ورتالىقتا ەمدەلىپ جاتقان ب. مەن كامەلەت جاسقا تولماعان ك.-نى تەلەديدار كورەتىن بولمەدە, سوسىن اۋلاعا شىعاتىن باسپالداق الاڭشاسىندا دارمەنسىز كۇيلەرىن پايدالانىپ ءتۇن جارىمىندا زورلاعان.
پروكۋرور سوتتا قىلمىسكەرلەرگە 15 جىل مەرزىم جازا بەرۋدى ال, جابىرلەنۋشىلەر مەن ولاردىڭ وكىلدەرى, سونداي-اق ادۆوكاتتار قاتاڭ جازا تاعايىنداۋدى سۇرادى.
ۇكىم شىعارۋ بارىسىندا سوتتالۋشىلاردىڭ اسىراۋىندا ءجاسوسپىرىم بالالارىنىڭ بولۋى ەسكەرىلدى. سوتتالۋشىنىڭ بىرىندە 2, ەكىنشىسىندە 6 جاس بالاسى بار.
سونىمەن سوت سوتتالۋشىلاردى قىلمىستىق كودەكستىڭ 120-بابى 3-1-بولىگىنىڭ ءبىرىنشى تارماعىمەن كىنالى دەپ تاپتى. سونداي-اق ولاردى وسى باپپەن پەداگوگيكالىق جانە كامەلەتكە تولماعاندارمەن جۇمىس ىستەۋگە بايلانىستى لاۋازىمداردى اتقارۋ قۇقىعىنان ءومىر بويىنا ايىرا وتىرىپ, ارقايسىسىنا 15 جىل مەرزىمگە باس بوستاندىعىنان ايىرۋ جازاسىن تاعايىندادى.
سونىمەن بىرگە جابىرلەنۋشى ب. مەن ك.-نىڭ ارقايسىسىنىڭ پايداسىنا مورالدىق شىعىن رەتىندە 10 ملن تەڭگەدەن وتەماقى ءوندىرىلدى. ادۆوكاتتىق قىزمەت ءۇشىن جۇمسالعان 600 مىڭ تەڭگە دە جابىرلەنۋشى ب.-نىڭ پايداسىنا شەشىلدى.
سوت وتىرىسىنداعى قىلمىستىق ءىس جابىق كۇيىندە قارالدى.
