فوتو: اشىق دەرەككوز
1 قىركۇيەكتەن باستاپ مەكتەپتەردە جاڭا تاماقتانۋ ستاندارتى مەن كوپ نۇسقالى تيپتىك ءمازىر كۇشىنە ەنەدى. وسى ەرەجەگە سايكەس, شاعىن جيناقتالعان, اسحانا مەن تاماق بلوگى جوق ءبىلىم بەرۋ مەكەمەلەرىندە بالالارعا ىستىق سەندۆيچ, اشىتىلعان ءسۇت ونىمدەرى (مىسالى, يوگۋرت), ماۋسىمدىق جەمىستەر جانە سۋسىندار ء(سۇت, ايران, يتمۇرىن سۋسىنى, كەپتىرىلگەن جەمىستەر مەن جيدەكتەردەن جاسالعان) ۇسىنىلاتىن ارنايى تۇسكى اس پاكەتتەرى دايىندالادى.
مينيسترلىك سونداي-اق مەكتەپ اكىمشىلىكتەرىن, مەديتسينا قىزمەتكەرلەرىن, تاماقتانۋ قىزمەتىن جەتكىزۋشىلەردى جانە براكەراج كوميسسياسىنىڭ مۇشەلەرىن جاڭا ستاندارت بويىنشا ونلاين وقىتۋدان وتكىزىپ جاتقانىن حابارلادى. سونىمەن قاتار, مەكتەپكە دەيىنگى بالالار ۇيىمدارىنىڭ قىزمەتكەرلەرى ءۇشىن دە ارنايى وقۋ باعدارلامالارى جوسپارلانعان.
جاڭا ستاندارتقا سايكەس, تاماق ونىمدەرىندەگى قانت, تۇز جانە ماي مولشەرى ازايتىلىپ, تابيعي ەمەس, سونداي-اق شامادان تىس تۇزدى نەمەسە قانتتى تاعامدار مەكتەپ مازىرىنەن الىنىپ تاستالادى. ونىڭ ورنىنا جاڭا پىسكەن كوكونىستەر, جەمىستەر مەن تابيعي ينگرەديەنتتەردىڭ ۇلەسى ارتادى. 1 قىركۇيەكتەن باستاپ مەكتەپتەردە كرەمى بار تاتتىلەر, گامبۋرگەر, حوت-دوگ, پيتستسا جانە باسقا دا زياندى تاعام ونىمدەرى ساتىلمايدى.
بۇل شارالار بالالاردىڭ دۇرىس تاماقتانۋىن قامتاماسىز ەتۋ جانە ولاردىڭ دەنساۋلىعىن قورعاۋ ماقساتىندا قابىلدانىپ وتىر.
جانەل تولەۋبەكوۆا, ەۇۋ ستۋدەنتى
