«مەملەكەتتىك رامىزدەر جاي عانا بەلگى ەمەس. رامىزدەر – حالىقتىڭ رۋحىن, ۇلتتىڭ بولمىسىن, مەملەكەتتىڭ وتكەنى مەن بولاشاعىن ايقىندايتىن قاسيەتتى نىشاندار. تۋىمىز – كوك اسپانداي كەڭدىك پەن تىنىشتىقتىڭ, قىرانداي ەركىندىك پەن بيىكتىكتىڭ بەلگىسى. ال ەلتاڭباداعى شاڭىراق پەن پىراق بەينەسى حالقىمىزدىڭ تۇتاستىعى مەن تاريحي تامىرى تەرەڭدە ەكەنىن كورسەتەدى. ءانۇرانىمىز ەل رۋحىن كوتەرىپ, ەل بولاشاعىنا سەنىمدى نىعايتادى. مەملەكەتتىك رامىزدەردى قۇرمەتتەۋ – زاڭ تالابى عانا ەمەس, قۇرمەتتىڭ كورىنىسى. بۇل كۇنى ءار ازامات ءۇشىن بۇل كۇن پاتريوتتىق رۋحتى جاڭعىرتىپ, تاۋەلسىزدىكتىڭ قادىرىن تەرەڭ سەزىنەدى», دەدى سەرىك شاپكەنوۆ.
اتىراۋداعى 2020 جىلى ورناتىلعان تۋتۇعىردىڭ بيىكتىگى – 91 مەتر. الىپ تۋدى ۇنەمى كورىنىپ تۇرۋى ءۇشىن قولمەن نەمەسە ەلەكتر جەتەگىمەن كوتەرەتىن كوپ قىرلى بولاتتان جاسالعان دوڭگەلەك كونۋستىق تىرەگى بار.
تۋتۇعىر الاڭىنا سۋبۇرقاق پەن دوعا ءپىشىندى كومپوزيتسيا ورناتىلعان. كومپوزيتسيانىڭ ورتا تۇسىندا قولادان جاسالعان قازاقستان رەسپۋبليكاسىنىڭ كارتاسى, جوعارى جاعىندا ەلتاڭبا, ال شەتكى بولىكتەرىندە ءانۇران جازىلعان.
اتىراۋ وبلىسى
