قازاقستانعا كەرقۇلانداردىڭ جاڭا توبى اكەلىندى

كەرقۇلاندار – پراگا زووپاركى مەن ماجار Hortobágy ۇلتتىق پاركىنەن اكەلىندى. 2 ماۋسىم كۇنى ءتورت جىلقىدان تيەلگەن ەكى اسكەري ۇشاق چەحيا مەن ماجارستان ەلدەرىنەن ۇشىپ شىعىپ, 3 ماۋسىم كۇنى تاڭعا تاياۋ ۋاقىتتا ارقالىق اۋەجايىنا كەلىپ قوندى. جانۋارلار «التىن دالا» مەملەكەتتىك تابيعي رەزەرۆاتىنىڭ اۋماعىنداعى جابايى تۇياقتىلاردى رەينترودۋكتسيالاۋ ورتالىعىنا تاعى 5 ساعات جول ءجۇردى. ولار وسىنداعى كەڭ قاشالاردا ءبىر جىل ۇستالادى دا, كەيىن جابايى تابيعاتقا جىبەرىلەدى. ورتالىقتا جىلقىلاردى جايعاستىراتىن قاجەتتى ينفراقۇرىلىم مەن كۇتىپ قارايتىن ماماندار بار.

ايتا كەتەلىك, ءبىرىنشى توپ 7 باس كەرقۇلان قازاقستانعا 2024 جىلى ماۋسىمدا كەلگەن بولاتىن. ورتالىقتىڭ ماماندارى مەن مال دارىگەرلەرى جىل بويى جابايى جىلقىلاردى باقىلادى. جانۋارلار العاش رەت تورعاي دالاسىنداعى -30 °C ايازدى قىسىن امان-ەسەن قىستاپ شىقتى, ۇيرەندى, قاجەتتى ۆەتەرينارلىق تەكسەرۋلەردەن ءوتتى.

ايتالىق, پرجەۆالسكي جىلقىسى (Equus przewalskii Poljakov) 2021 جىلى قازاقستانداعى سيرەك كەزدەسەتىن جانە جويىلىپ كەتۋ قاۋپى ءتونىپ تۇرعان وسىمدىكتەر مەن جانۋارلار تۇرلەرىنىڭ تىزىمىنە ەندى.

تولىعىراق ەكولوگيا جانە تابيعي رەسۋرستار  مينيسترلىگىنىڭ رەسمي سايتىندا.