فوتو: egemen.kz/ قىرمىزى جۇماعاليقىزى
دۇنيەجۇزىلىك دەنساۋلىق ساقتاۋ ۇيىمىنىڭ دەرەگىنشە, الەمدە جىل سايىن شامامەن 17,9 ميلليون ادام جۇرەك-قان تامىرلارى توبىنا جاتاتىن دەرتتەن كوز جۇمادى. بۇل توپقا: جۇرەكتىڭ يشەميالىق اۋرۋى, تسەرەبروۆاسكۋليارلىق اۋرۋ, رەۆماتيكالىق جۇرەك اۋرۋى جانە باسقا جاعدايلاردى قامتيتىن جۇرەك جانە قان تامىرلارى اۋرۋلارى جاتادى. جۇرەك-قان تامىرلارىنان بولاتىن بەس ءولىمنىڭ تورتتەن استامى ينفاركت پەن ينسۋلتكە بايلانىستى. وسى دەرتتەن كوز جۇمعانداردىڭ ۇشتەن ءبىرى 70 جاسقا دەيىنگى ازاماتتار. ۇيىم زەرتتەۋىنشە, جۇرەك اۋرۋى 20 جىل بويى بۇكىل الەم بويىنشا ءولىمنىڭ باستى سەبەبى بولىپ وتىر.
قازاقستاندا ينفاركتتىڭ شىنىندا جاسارۋ ءۇردىسى بايقالا ما؟ انىقتاۋ نىسانىنا كەيىنگى 10 جىلدىق 2014-2024 جىلدار ارالىعىن تاڭدادىق.
قر دەنساۋلىق ساقتاۋ مينيسترلىگى ۇسىنعان ساندەرەككە ساي 2014 جىلى 1001 ازامات كوز جۇمعان. ونىڭ ىشىندە 4-ءۋى -18-29 جاس ارالىعىنداعىلار. 2023 جىلى بۇل كورسەتكىش وسى جاس ساناتىندا 12 ادامعا جەتسە, بىلتىر جالپى سانى 1658 ادامي قازا تاپقان, 18-29 جاس ارالىعىنداعى ازاماتتاردىڭ بىرەۋىنىڭ ولىمىنە ينفاركت سەبەپ بولعان. ال 30-39 جاس ارالىعىنداعى كورسەتكىشتەر 2014 جىلى – 21, 2024 جىلى – 42 ادامعا جەتكەن.
2014-2024 جىلدار ارالىعىنداعى «ينفاركت» (I21) دياگنوزىمەن «بەكىتىلگەن حالىق تىركەلىم» اج قايتىس بولعاندار تۋرالى اقپاراتتىڭ جالپى دەرەگى مىناداي:
2014 جىلى «جەدەل ميوكارد ينفاركتىسى» (احج-10) «I21» دياگنوزىمەن تاۋلىك بويى ىستەيتىن ستاتسيونارلاردا ەمدەلگەن ناۋقاستاردىڭ ىشىندە 5757 ادامنىڭ جاس كورسەتكىشى 18-59-دى قۇراعان. 2024 جىلى 18-59 جاس ارالىعىنداعى 8333 ادام جەدەل ميوكارد ينفاركتىسىمەن ناۋقاستانعان.
2014-2024 جىلدار ارالىعىنداعى قازاقستان رەسپۋبليكاسى بويىنشا «جەدەل ميوكارد ينفاركتىسى» (احج-10) «I21» دياگنوزىمەن تاۋىلىك بويى ىستەيتىن ستاتسيونارلاردا ەمدەلگەن ناۋقاستاردىڭ سانى تۋرالى اقپارات:
مينيسترلىك مالىمەتىنشە, جەدەل ميوكارد ينفاركتىسىمەن سىرقاتتانۋشىلار 100 مىڭ ادامعا شاققاندا 2014 جىلى 62,1 پايىزدى قۇراسا, 2024 جىلى 125, 6 پايىزعا ارتقان. دەمەك, ەلىمىزدە ينفاركتتىڭ جاسارىپ كەلە جاتقانى - اقيقات.
