2022 جىلدىڭ قىركۇيەگىندە مەملەكەت باسشىسى ق.-ج. توقاەۆ ءوزىنىڭ قازاقستان حالقىنا جولداۋىندا بولاشاق ۇرپاقتىڭ ءال-اۋقاتىن ارتتىرۋعا, جاستاردىڭ ءبىلىم الۋىن تابىستى باستاۋ جانە قولداۋ ءۇشىن جاعداي جاساۋعا باعىتتالعان «ۇلتتىق قور – بالالارعا»جوباسىنا باستاما بەردى.
وسى باعدارلاما شەڭبەرىندە 2024 جىلعى 1 قاڭتاردان باستاپ 18 جاسقا تولماعان قازاقستاندىق بالالارعا تۋىلعان كەزدە اۆتوماتتى تۇردە اشىلعان دەربەس شوتتارعا جىل سايىن ۇلتتىق قوردىڭ ينۆەستيتسيالىق كىرىسىنىڭ 50%-ى اۋدارىلادى. ەگەر 2024 جىلى ءار بالاعا 100,52 اقش دوللارى ەسەپتەلسە, 2025 جىلى ەسەپتەۋ سوماسى 129,38 اقش دوللارىنا دەيىن ءوستى. بۇل رەتتە الۋشىلار سانى دا وسۋدە – 2024 جىلى 304 815 مىڭ بالادان 2025 جىلى 324 430 مىڭعا دەيىن.
كامەلەتكە تولعاننان كەيىن بالالار جيناقتالعان اقشانى تۇرعىن ءۇي نەمەسە جوعارى ءبىلىم ءۇشىن العاشقى جارنانى تولەۋ ماقساتىندا پايدالانا الادى. مۇنداي اشىق تەتىك اتا-انالاردىڭ نەمەسە بالالاردىڭ قامقورشىلارىنىڭ ولاردى اعىمداعى جۇمساۋ قاۋپىن جويادى.
وسىلايشا, مەملەكەت ەرەسەك ومىرگە قارجىلىق جاستىقپەن كىرەتىن جاس قازاقستاندىقتاردىڭ ۇرپاعىن قالىپتاستىرادى, بۇل ءومىر ساپاسىن جاقسارتۋعا ىقپال ەتەدى جانە بولاشاقتا جاس قازاقستاندىقتارعا سەنىمدىلىك بەرەدى.
قازاقستان ەكونوميكالىق ءوسۋ درايۆەرى رەتىندە تالانتقا ءباس تىگۋدە, سوندىقتان پرەزيدەنت ق.-ج. توقاەۆ 2023 جىلى قازاقستان حالقىنا جولداۋىندا «كەلەشەك» بىرىڭعاي ەرىكتى جيناقتاۋ جۇيەسىنە باستاماشى بولدى, ال 2025 جىلدىڭ باسىندا ءتيىستى زاڭعا قول قويدى. باستامانىڭ ماقساتى – وسكەلەڭ ۇرپاققا ساپالى ءبىلىم الۋعا كەپىلدىك بەرۋ بولىپ تابىلادى. ەرىكتى جوبا بولا وتىرىپ, «كەلەشەك» بولىنگەن مەملەكەتتىك گرانتتارعا قوسىمشا قاراجات جيناۋعا مۇمكىندىك بەرەدى.
مەملەكەتتىك قولداۋ تەتىگى رەتىندە بۇل باعدارلاما 5 جاستان اسقان بالالارعا اقشا قاراجاتىن تۇراقتى جيناقتاۋعا مۇمكىندىك بەرەدى. 18 جاسقا تولعاننان كەيىن بالالار تەحنيكالىق جانە كاسىپتىك, جوعارى جانە جوعارى وقۋ ورنىنان كەيىنگى ءبىلىم بەرۋدى قوسا العاندا, قازاقستاندا جانە شەتەلدە ءبىلىم بەرۋ قىزمەتتەرىن جيناقتالعان قاراجاتپەن تولەي الادى, سونداي-اق تۇرعىن ءۇي ءۇشىن پايدالانا الادى. بۇعان قوسا, بالالار جيناقتالعان قاراجاتتى تۋىستارىنىڭ (تۋعان باۋىرلارى) قاتارىنان ءۇشىنشى تۇلعالارعا اۋدارا الادى.
جيناقتاۋ ءۇشىن مەملەكەت 60 اەك (2025 جىلى 235 920 تەڭگەنى قۇرايدى) جانە جەتىم بالالار ءۇشىن – 120 اەك (471 840 تەڭگە) مولشەرىندە باستاپقى ءبىلىم بەرۋ كاپيتالىن, سونداي-اق 5-7 پايىز مولشەرىندە مەملەكەتتىك سىياقىنىڭ جىل سايىنعى تولەمىن جانە ەكىنشى دەڭگەيدەگى بانكتىڭ سىياقىسىن نەمەسە ءومىردى ساقتاندىرۋ بويىنشا كومپانيانىڭ ينۆەستيتسيالىق تابىسىن بولەدى. اتا-انا نەمەسە قامقورشى, ءوز كەزەگىندە, حالىقتىڭ الەۋمەتتىك وسال توپتارىنداعى بالالار ءۇشىن كەمىندە 12 اەك جانە بالالاردىڭ قالعان ساناتتارى ءۇشىن 24 اەك مولشەرىندە جىل سايىنعى ەڭ تومەنگى جارنا ەنگىزەدى.
وسىلايشا, ءبىزدىڭ ەلىمىزدەگى دەموگرافيالىق ءوسۋ اياسىندا «كەلەشەك» باعدارلاماسى «ۇلتتىق قور – بالالارعا» جوباسىمەن بىرگە قولجەتىمدى ءبىلىم بەرۋگە, قولايلى كاسىپتى يگەرۋگە نەمەسە تۇرعىن ءۇي پروبلەماسىن شەشۋگە مۇمكىندىك بەرەدى, سول ارقىلى اتا-انالارعا قارجىلىق جۇكتەمەنى ازايتادى جانە بالالارعا بولاشاقتا سەنىمدىلىك ۇسىنادى.
