جاڭا نىساننىڭ اشىلۋ سالتاناتىندا وبلىس اكىمى نۇرالحان كوشەروۆ قالا تۇرعىندارى مەن قوناقتارىنا جايلى ورتا قالىپتاستىرۋ باستى ماقساتتاردىڭ ءبىرى ەكەنىن اتاپ ءوتتى. «مەملەكەت باسشىسى قاسىم-جومارت كەمەل ۇلى «ەلىمىزدى كوگالداندىرۋ, اباتتاندىرۋ – ۇلكەن مەملەكەتتىك ماڭىزى بار ءىس. بۇل – جالپىۇلتتىق ماسەلە. قازاقستانىمىز تازا بولۋى قاجەت» دەپ ايتقان بولاتىن. جوبانى ىسكە اسىرۋعا اتسالىسقان بارلىق ماماندارعا, قۇرىلىسشىلارعا العىسىمدى بىلدىرەمىن. وڭىردە جىل ساناپ تۋريستەر سانى ءوسىپ كەلەدى. دەمالىس ورىندارى دا اشىلۋدا. وسىلاردىڭ بارلىعى تۇركى الەمىنىڭ ورتالىعى تۇركىستان قالاسىنىڭ دامۋىنا وڭ سەرپىن بەرەدى», دەدى نۇرالحان كوشەروۆ.
«جاڭا قالا» اۋماعىندا 12,77 گەكتار جەردە ورنالاسقان ساياباقتا 38 438 شارشى مەتر جەر كوگالداندىرىلىپ, 8 مىڭعا جۋىق تال مەن جاسىل ەكپە ەگىلگەن. جاساندى كول 19500 شارشى مەتر اۋماقتى قامتيدى. سۋ سىيىمدىلىعى – 60 000 تەكشە مەتر. كول ۇستىنەن ۇزىندىعى 92 مەتر جاياۋ جۇرگىنشىلەر كوپىرى سالىنعان. سونىمەن قاتار كول ۇستىندە شولۋ الاڭى, سارقىراما, سۋبۇرقاقتار بار. دەمالىس ايماعىندا تاماقتاناتىن ورىندار, بالالار الاڭشالارى, اكىمشىلىك عيماراتى قاراستىرىلعان. ودان بولەك, شاتىرلار, جارىقشامدار, 270 دانا ورىندىق پەن 240 دانا قوقىس جاشىگى ورناتىلعان ساياباق ءبىر كۇندە 600 ادامعا دەيىن قابىلداي الادى. مۇندا تۇرعىندار مەن قالا قوناقتارىنىڭ جايلى دەمالىسى ءۇشىن بارلىق جاعداي قاراستىرىلعان.
تۇركىستان
