كەزدەسۋدە تاراپتار ەكى مەملەكەتتىڭ كوشباسشىلارى دەڭگەيىندە قالىپتاسقان ەكىجاقتى تۇراقتى ىنتىماقتاستىق سەرپىنىن اتاپ ءوتتى. سەرىك جۇمانعارين قازاقستان سەربيانى ورتالىق ەۋروپاداعى ماڭىزدى ساۋدا ارىپتەسى رەتىندە تانيدى. ساۋدا-ەكونوميكالىق بايلانىستارعا ەرەكشە نازار اۋدارىلىپ وتىر: 2024 جىلعى قورىتىندى بويىنشا ەكى ەل اراسىنداعى تاۋار اينالىمى 9,7%-عا ارتىپ, 1$00 ملن-عا جەتتى. بۇل رەتتە قازاقستاندىق ەكسپورت 39,4%-عا ءوستى. 2025 جىلعى قاڭتار–ناۋرىزداعى ءوزارا ساۋدانىڭ ءوسۋى 30%.
كەزدەسۋگە قاتىسۋشىلار ۇكىمەتارالىق كوميسسيا مەن ىسكەرلىك كەڭەستىڭ الەۋەتىن ىسكە قوسۋدىڭ, سونداي-اق نەگىزگى ەكىجاقتى جوبالاردى ىسكە اسىرۋدىڭ, اتاپ ايتقاندا استانا مەن بەلگراد اراسىندا تىكەلەي اۋە قاتىناسىن ورناتۋدىڭ ماڭىزدىلىعىن اتاپ ءوتتى. SCAT قازاقستاندىق اۆياكومپانياسى مارشرۋتتى پىسىقتاۋعا كىرىسىپ تە كەتتى. قازاقستان سەربيا تاراپىنان, سونىڭ ىشىندە اۋە تاسىمالىنداعى بەسىنشى ەركىندىك قۇقىعىن بەرۋ مۇمكىندىگىن دە قامتيتىن قولداۋعا سەنەدى.
ءبىر كۇن بۇرىن احف الاڭىندا سەرىك جۇمانعارين حورۆاتيانىڭ ەكونوميكا ءمينيسترى انتە شۋشنيارمەن كەزدەسكەن ەدى. تاراپتار, اسىرەسە, ەنەرگەتيكا سالاسىنداعى ەكىجاقتى قاتىناستاردى, ەكونوميكالىق ىنتىماقتاستىقتى ودان ءارى نىعايتۋدى تالقىلادى. ەكى جاق, سونداي-اق, ينفراقۇرىلىمدىق جوبالار, IT-سەكتور, اۋىل شارۋاشىلىعى مەن فارماتسەۆتيكا ونەركاسىبى سالاسىنداعى ىنتىماقتاستىقتى دامىتۋعا مۇددەلى ەكەندەرىن ءبىلدىردى.
