«كەلەسى جىلدىڭ سوڭىندا سىناقتىق ىسكە قوسۋ جاسالادى. سونىمەن قاتار كەلەسى جىلى جولاۋشىلاردى تاسىمالداۋ باستالادى», دەدى رومان سكليار.
قاڭتار ايىندا استانا قالاسىنىڭ اكىمى جەڭىس قاسىمبەك LRT قۇرىلىس جۇمىستارى 2025 جىلدىڭ جازىندا اياقتالاتىنىن حابارلاعان بولاتىن.
ءساۋىر ايىندا CTS باسقارما توراعاسى اسىلبەك دۇيسەباەۆ LRT-نى سىناقتىق پايدالانۋ 2025 جىلدىڭ قىركۇيەگىنە جوسپارلانعانىن ايتتى. بۇل پويىزداردىڭ جولاۋشىلارسىز ءجۇرىپ كورۋىن بىلدىرەدى. سونىمەن قاتار, LRT بويىنداعى اۋماق اۋەجايدان باستاپ رىسقۇلوۆ كوشەسىنە دەيىن اباتتاندىرىلۋى ءتيىس ەدى.
24 مامىر كۇنى قىتايدان العاشقى ۆاگوندار ەلورداعا جونەلتىلدى. جالپى العاندا, LRT ءۇشىن 19 بىرلىك جىلجىمالى قۇرام جاسالماق. CTS ءباسپاسوز قىزمەتىنىڭ مالىمەتىنشە, ءتورت ءبولىمدى, ءتورتىنشى دەڭگەيدەگى اۆتوماتتاندىرىلعان جۇرگىزۋشىسىز پويىزدار ارقايسىسى 650 جولاۋشىنى تاسىمالداي الادى.
