فورۋم سەسسيالارى تۇراقتى دامۋ مەن ەكولوگيالىق جاۋاپكەرشىلىك, تەحنولوگيالىق يننوۆاتسيالار, ەكونوميكا جانە قارجى سياقتى كەڭ اۋقىمدى ماسەلەلەردى قامتيدى. بۇل تاقىرىپتار ءبىزدىڭ كاسىبي مۇددەلەرىمىزگە تولىق ساي كەلەدى. حالىقارالىق ەكونوميكاعا ينتەگراتسيالانۋ, وندىرىستە يننوۆاتسيالار مەن تسيفرلىق تەحنولوگيالاردى ەنگىزۋ – ءبىزدىڭ باستى باسىمدىقتارىمىز. وسى مىندەتتەردى شەشۋ جولدارىن ىزدەيتىن فورۋمعا قاتىسۋ ءبىز ءۇشىن قۇندى تاجىريبە بولدى.
بۇگىندە ستەپنوگورسك پودشيپنيك زاۋىتى قۋاتتى وندىرىستىك كەشەن مەن ەۋرازيالىق ەكونوميكالىق وداق (ەاەو) ەلدەرىندەگى جەتەكشى پودشيپنيك وندىرۋشىلەرىنىڭ بىرەگەيىنە اينالدى. ءبىز ماشينا جاساۋ سالاسىنداعى الەمدىك ءىرى كومپانيالاردىڭ تاجىريبەسىنە سۇيەنە وتىرىپ, ءوندىرىستى جاڭعىرتۋدى جالعاستىرىپ كەلەمىز. جەتكىزۋ گەوگرافيامىز ەۋروپانى, ەاەو ەلدەرى مەن افريكانى قامتيدى. دەگەنمەن كەڭەيۋ ءۇشىن ءالى دە ايتارلىقتاي الەۋەت بار. فورۋم الاڭى حالىقارالىق ىنتىماقتاستىقتى دامىتۋ مەن جاڭا سەرىكتەستىك بايلانىستار ورناتۋعا زور مۇمكىندىك بەرەدى.
الەكساندر موسكالەنكو,
«ستەپنوگورسك پودشيپنيك زاۋىتى» اق ديرەكتورلار كەڭەسىنىڭ توراعاسى
