مەملەكەت تالانت يەلەرىن قولدايدى, ولارعا ءار ۋاقىتتا قامقورلىق كورسەتەدى

كەشە الماتىدا ادەبيەت پەن ونەر قايراتكەرلەرىنە جانە جاس تالانتتارعا 2014 جىلعى پرەزيدەنتتىك جانە مەملەكەتتىك ستيپەنديا­لار تابىستالدى. ەلباسىنىڭ تاپسىرماسىن ورىنداۋ ءۇشىن وڭتۇستىك استاناعا ارنايى كەلگەن مەملەكەتتىك حاتشى گۇلشارا ابدىقالىقوۆا  وسىناۋ اماناتتى اتقارىپ, زيالىلارمەن ديدارلاستى. ستيپەنديالار جىل سايىن مەم­لەكەتتىك قولداۋ كورسە­تۋ ماق­ساتىندا قازاقستان رەس­­پۋب­ليكاسىنىڭ قۇرمەتتi اتاق­تارى مەن مەملەكەتتiك ناگرادالارىن يەلەنگەن مادەنيەت جانە ونەر قايراتكەرلەرىنە, سونداي-اق, اسا دارىندى شىعارماشىل جاستارعا زور شىعارماشىلىق جەتىستىكتەرى ءۇشىن  بەرiلەدi. قازىر  قانداي ماسەلە قوزعالسا دا اڭگىمەنىڭ اياعى ەكونوميكاداعى احۋالعا, الەمدەگى تۇراقسىزدىققا بارىپ تىرەلەدى. ونىڭ سالقىنى تيمەي جاتقان سالا جوق. بىراق وسىنىڭ بارىنە قاراماي, بيىل دا ەلباسىنىڭ ارناۋلى وكىمىمەن ادەبيەت پەن ونەر قايراتكەرلەرىنە مەملەكەتتىك ستيپەنديالار كولەمى قىسقارتىلماي, ءداستۇرلى تۇردە تاپسىرىلدى. مەملەكەتتىك ستيپەنديالاردى تابىستاۋ ءراسىمى قاي كەزدە دە شى­عار­ماشىلىق ورداسى بولىپ كەلگەن, ادەبيەت پەن ونەردىڭ  تانىمال وكىل­دەرى شوعىرلانعان الماتىدا ءوتتى. ەل دامۋىنىڭ ەڭ قيىن كەزەڭىندە وسىدان 21 جىل بۇرىن, 1994 جىلى جالاقىنىڭ دا, زەينەتاقى مەن ستي­پەنديانىڭ دا ۋاقىتىندا تولەنبەي جاتقان تۇسىندا, قازاقستاننىڭ ءار شالعايىنداعى ۇلكەن كاسىپ­ورىن­داردىڭ جۇمىسى توقتاپ تۇر­عاندا, پرەزيدەنتىمىز ۇلتتىق ينتەل­ليگەنتسيانىڭ قايماعىن جيناپ, ءبىر جاعىنان رۋحاني سەپ بولسىن دەپ, وسى ستيپەنديانى تاعايىنداعان بولاتىن. وسىنى ايتىپ, ءراسىمدى اشقان گۇلشارا ابدىقالىقوۆا وتاندىق مادەنيەتتى دامىتۋعا ەلەۋلى ۇلەس قوسىپ كەلە جاتقاندارعا ەلباسىنىڭ العىسىن جەتكىزە وتىرىپ: – ەندى وسى اڭگىمەمىزدىڭ الدىندا جاقسى ءبىر قۋانىشتى حاباردى جەتكىزسەم دەيمىن. بۇگىن ورتامىزدا وتىرعان, ءبارىمىز اندەرىن ءسۇيىپ تىڭدايتىن كورنەكتى كومپوزيتور ەسكەندىر حاسانعاليەۆ 75 جاسقا تولىپ وتىر. وسىعان وراي, ەلباسى ەسكەندىر وتەگەن ۇلىنا ءوزىنىڭ ارنايى قۇتتىقتاۋىن جولدادى, – دەپ مەملەكەت باسشىسىنىڭ ءوز قو­لى­مەن جازعان سالەمدەمەسىن وقىپ بەردى. شىنىندا دا, ءدال وسى كۇنى ايگى­لى سازگەر مەرەيلى جاسقا تولعان ەدى. وسىنداي ادەمى وقيعامەن باس­تالعان ءراسىم كەلەلى اڭگىمەگە ۇلاس­تى. مەملەكەتتىك حاتشى وتكەن جىلى وتاندىق مادەنيەتتى جاڭا بەلەسكە كوتەرۋ ءۇشىن قازاقستان رەسپۋب­ليكاسىنىڭ ۇزاقمەرزىمدى مادەني ساياساتىنىڭ تۇجىرىمداماسى قابىلدانعانىن ەسكە سالا وتىرىپ, وسىعان وراي شىعارماشىلىق ادامدارىنىڭ الدىندا ەلدىڭ جاڭا ادەبيەتىن, جاڭا ونەرىن جاڭا بيىكتەرگە كوتەرۋ مىندەتى تۇرعانىن اتاپ كورسەتتى. 2014 جىلدىڭ قورىتىندىسى بويىنشا وتاندىق مادەنيەتتى دا­مى­تۋعا قوسقان ماڭىزدى ۇلەسى ءۇشىن ادەبيەت پەن ونەر سالاسىنىڭ 100 قايراتكەرىنە ستيپەنديا تاعاي­ىن­دالدى. پرەزيدەنتتىك ستيپەندياعا يە بولعاندار قاتارىندا ولجاس سۇلەيمەنوۆ, مىرزاتاي جول­داس­بەكوۆ, بيبىگۇل تولەگەنوۆا, ەس­كەندىر حاسانعاليەۆ, ۆلاديمير تولوكوننيكوۆ, ءاسانالى ءاشىموۆ, يۋري پومەرانتسەۆ, شەرحان مۇر­تازا, اكىم تارازي, اناتولي مولودوۆ جانە باسقالار بار.سونداي-اق, الان بورىباەۆ, ەر­كە­بۇلان دايىروۆ, ايگەرىم بەكە­تاەۆا, جانەل توكەەۆا, ءاليا تەلە­بارىسوۆا, قاسىمحان بۇعىباي جانە باسقا دا بىرقاتار جاس دارىن­دار مەم­لەكەتتىك ستيپەندياعا يە بولدى. گ.ابدىقالىقوۆا مادەنيەت پەن ونەر قايراتكەرلەرى مەملەكەت باسشىسىنىڭ «نۇرلى جول – بولا­شاققا باستار جول» اتتى جول­داۋىن ىسكە اسىرۋعا سۇبەلى ۇلەس قوساتىنىنا سەنىم ءبىلدىردى. مەم­لەكەت­تىك حاتشى كۇندەلىكتى ءارى قاجىر­لى شىعارماشىلىق ەڭبەك مادە­نيەت پەن ونەردى ەكونوميكالىق ءوسۋدىڭ, يننوۆاتسيانىڭ جانە ادامي دامۋدىڭ نەگىزگى رەسۋرستارىنىڭ بىرىنە اينالدىراتىنىن ايتتى. كەزدەسۋ وتاندىق مادەنيەت پەن ونەر­دى دامىتۋدىڭ وزەكتى ءما­سە­­­لە­­لەرىن تالقىلاۋمەن اياق­تال­دى. مەملەكەتتىك حاتشى كوكەي­تەس­تى پروبلەمالاردى شەشۋ ءۇشىن سىندارلى ۇسىنىستاردى قالىپ­تاس­تىرۋعا جانە ءوزارا تۇسىنىستىكتى تەرەڭ­دەتۋگە جول اشاتىن مۇنداي تۇراق­تى ءارى اشىق اڭگىمەلەسۋدىڭ ماڭىزدىلىعىن اتاپ كورسەتتى. گ.ابدىقالىقوۆا مادەنيەت, ادە­بيەت جانە ونەر قايراتكەرلەرى قازاقستان حالقى اسسامبلەياسى جى­لىن وتكىزۋگە, سونداي-اق الدا كەلە جاتقان قازاقستان حالقى اسسام­­بلەياسىنىڭ 20 جىلدىعىنا, كونس­تي­تۋتسيانىڭ 20 جىلدىعىنا, قازاق حاندىعىنىڭ 550 جىلدىعىنا جانە جەڭىستىڭ 70 جىلدىعىنا ارنالعان مەرەيتويلىق  ءىس-شارالارعا بەلسەنە اتسالىساتىندارىنا سەنىم ءبىلدىردى. ايناش ەسالي, «ەگەمەن قازاقستان». الماتى. سۋرەتتى تۇسىرگەن ايتجان مۇرزانوۆ.