سۋرەتتى تۇسىرگەن – اۆتور
ۇلتتىق ستاتيستيكا بيۋروسىنىڭ مالىمەتىنشە, بىلتىر ەلىمىزدە جۇمىسسىزدار سانى 448,2 ادام بولعان. بۇل 2023 جىلمەن سالىستىرعاندا 0,5%-عا كوپ. سول تۇرعىدا مۇنداي جارمەڭكە تۇلەكتەرگە تاپتىرماس مۇمكىندىك.
– جارمەڭكەدە اۋداندار مەن قالالاردان 113 جۇمىس بەرۋشى 2 مىڭنان استام بوس جۇمىس ورنىن ۇسىندى. جەرگىلىكتى وقۋ ورىندارىنان 2 300-گە جۋىق ستۋدەنت كەلىپ قاتىستى. قازىردە وبلىستا مۇعالىم, دارىگەر, مەدبيكە, قۇرىلىسشى ماماندىقتارىنا سۇرانىس ارتقانى بايقالادى, – دەدى مانساپ ورتالىعىنىڭ ديرەكتورى ارايلىم ەسىمبەكوۆا.
شەكارا شەبىندەگى مارقاكول اۋدانى اكىمدىگىنىڭ وكىلدەرى ءىس-شاراعا ارنايى كەلىپ, مەملەكەتتىك قىزمەتكە قىزىعۋشىلىق بىلدىرگەن جاس مامانداردى جاڭا اۋدانعا جۇمىسقا شاقىردى.
– قازىر جەكەلەگەن بولىمدەردە, اكىم اپپاراتىندا, الەۋمەتتىك جۇمىسپەن اينالىساتىن 28 بوس جۇمىس ورنى بار. قىزىعۋشىلىق بىلدىرگەندەر ايتارلىقتاي كوپ دەپ ايتا المايمىز, بىراق كەلىپ جاتىر. اۋىلدا جۇمىس ىستەۋگە نيەتتى جاستارعا مۇمكىندىك كوپ. «ديپلوممەن – اۋىلعا!» باعدارلاماسى ارقىلى باسپانا ساتىپ الۋعا نەمەسە سالۋعا نەسيە, كوتەرمە جاردەماقى بەرىلەدى, – دەدى مارقاكول اۋدانى اكىمى اپپاراتى جالپى ءبولىمىنىڭ باسشىسى اسەم بولىسوۆا.
سونداي-اق كاتونقاراعاي اۋدانىندا سالىنىپ جاتقان اۋەجايعا دا ماماندار, اتاپ ايتقاندا, اۋە قوزعالىسى قىزمەتىنە ديسپەتچەر, مەتەورولوگيالىق قىزمەتكە سينوپتيكتەر, راديوتەحنيكالىق جابدىقتارعا قىزمەت كورسەتۋ ينجەنەرلەرى قاجەت.
– جۇمىسقا 21-27 جاس ارالىعىنداعى جاستاردى قابىلدايمىز. سونداي-اق تاعى ءبىر باستى تالاپ – اعىلشىن ءتىلىن بىلۋگە ءتيىس. ەگەر قىزىعۋشىلىق ءبىلدىرىپ جاتقاندار بولسا, «قازاەروناۆيگاتسيا» رمك-عا حابارلاسۋعا بولادى, – دەيدى قىزمەتكەرلەرمەن جۇمىس جونىندەگى ءبولىم باستىعى گۇلجان عادىلبەكقىزى.
ودان بولەك, پوليتسيا قىزمەتىنە, توتەنشە جاعدايلار دەپارتامەنتىنە دە ماماندار كەرەك. الىس اۋىلداردا دارىگەرلەر, فەلدشەرلەر جەتىسپەيدى. جۇمىسشى ماماندارىنا دا سۇرانىس جوعارى. اسىرەسە تراكتور سىندى اۋىر تەحنيكالاردى تىزگىندەۋگە جاستار ق ۇلىقسىز. جارمەڭكە كوپشىلىككە مۇمكىندىك سىيلاپ, ءۇمىت وتىن جاقتى. جۇمىس بەرۋشىلەر مەن جۇمىس ىزدەگەندەر ءنومىر الماسىپ, تىزىمدەلىپ, كوپتەپ تىركەلىپ جاتتى.
شىعىس قازاقستان وبلىسى
