حالىقارالىق باعدارلامالار ورتالىعىنىڭ مالىمەتىنشە, شەتەلدە كادرلار دايارلاۋ جونىندەگى رەسپۋبليكالىق كوميسسيانىڭ شەشىمىمەن 189 قازاقستاندىق حالىقارالىق «بولاشاق» ستيپەندياسىنىڭ يەگەرى اتاندى.
«بيىل كونكۋرس جاڭا كەزەڭ-كەزەڭىمەن ىرىكتەۋ ەرەجەلەرى بويىنشا ءوتتى. بۇل ۇدەرىس كەشەندى تەستىلەۋ مەن جەكە اڭگىمەلەسۋدى قامتيدى. جاڭا ستيپەندياتتاردىڭ ىشىندە 164 ادام ماگيستراتۋرادا, 10 ادام دوكتورانتۋرادا وقيدى, ال 15 قازاقستاندىق الەمنىڭ جەتەكشى ۋنيۆەرسيتەتتەرى مەن ورتالىقتارىندا كاسىبي تاعىلىمدامادان وتەدى», دەلىنگەن حابارلامادا.
ايتا كەتەيىك, 2024 جىلى «بولاشاق» حالىقارالىق ستيپەندياسى 150 قازاقستاندىققا بەرىلگەن بولاتىن.
ەسكە سالا كەتەيىك, «بولاشاق» ستيپەندياسىنا قۇجات قابىلداۋ 2025 جىلعى ناۋرىزدا باستالعان. شەتەلدە كادر دايارلاۋ كەزىندە باسىمدىق ينجەنەرلىك-تەحنيكالىق جانە مەديتسينالىق ماماندىقتارعا بەرىلەدى.
