فوتو: odbtomsk.ru
دەنساۋلىق ساقتاۋ مينيسترلىگى اپتا سايىن ەل اۋماعىنداعى اۋرۋشاڭدىق دەڭگەيى مەن جاھاندىق جاعدايعا مونيتورينگ جۇرگىزىپ وتىر.
«جىل باسىنان بەرى COVID-19-دىڭ 362 جاعدايى تىركەلدى. وتكەن جىلدىڭ وسىنداي كەزەڭىمەن سالىستىرعاندا سىرقاتتانۋشىلىق دەڭگەيى 3,4 ەسەگە تومەندەگەن, ءولىم جاعدايى تىركەلگەن جوق. اۋرۋ جەڭىل تۇردە ءوتىپ جاتىر, پاتسيەنتتەر امبۋلاتوريالىق جاعدايدا ەم قابىلداپ جاتىر», دەلىنگەن حابارلامادا.
ايتا كەتەيىك, ەلىمىزدە ۆيرۋستىڭ اينالىمى مەن مۋتاتسيالارىنا توقسان سايىن قاداعالاۋ جۇرگىزىلەدى. بيىل انىقتالعان بارلىق جاعدايلاردا – 100% كورسەتكىش بويىنشا – وميكرون نۇسقاسى تىركەلگەن. اتاپ ايتقاندا, JN.1 تارماعى جانە ونىڭ LF.7.1.3, LP.8.1, LF.7.6 پەن KP.3.1.1 قوسالقى تۇرلەرى انىقتالعان.
دۇنيەجۇزىلىك دەنساۋلىق ساقتاۋ ۇيىمىنىڭ دەرەكتەرىنە سايكەس, ءساۋىر مەن مامىر ارالىعىندا الەمدە 23 164 راستالعان جاعداي تىركەلگەن. قازىرگى ۋاقىتتا جاھاندىق دەڭگەيدە وميكروننىڭ LP.8.1, JN.1, NB.1.8.1 جانە باسقا دا نۇسقالارى اينالىمدا ءجۇر.
داميرا تولەگەن
ەۇۋ ستۋدەنتى
