فوتو: اشىق دەرەككوز
مىرزاتاي جولداسبەكوۆ – قازاق رۋحانياتىنىڭ دامۋىنا ولشەۋسىز ەڭبەك سىڭىرگەن تۇلعا. ول 1937 جىلى دۇنيەگە كەلگەن. فيلولوگيا عىلىمىنىڭ دوكتورى, پروفەسسور, مەملەكەت جانە قوعام قايراتكەرى رەتىندە ەل دامۋىنىڭ ءارتۇرلى سالالارىندا بەلسەندى قىزمەت اتقاردى.
جولداسبەكوۆتىڭ عىلىمي-زەرتتەۋ جۇمىستارى قازاق ادەبيەتىنىڭ ەڭ كونە ۇلگىلەرىنەن باستاۋ الادى. ول جامبىل جاباەۆتىڭ اقىندىق مۇراسىن كەڭ كولەمدە زەرتتەپ, ونىڭ شىعارماشىلىعىنا جاڭا عىلىمي تۇرعىدان باعا بەردى. سونىمەن قاتار, جامبىلدىڭ اقىندىق مەكتەبىن زەردەلەپ, ونىڭ زامانداستارى مەن شاكىرتتەرىنىڭ تۋىندىلارىن جان-جاقتى سارالادى.
عالىمنىڭ ەڭبەگى تەك ادەبيەتپەن شەكتەلىپ قالعان جوق. ول كونە تۇركى داۋىرىنە ءتان ورحون-ەنيسەي جازبا ەسكەرتكىشتەرىن زەرتتەپ, سول مۇرالاردى العاشقىلاردىڭ ءبىرى بولىپ قازاق تىلىنە اۋدارىپ, عىلىمي اينالىمعا ەنگىزدى. بۇل ەڭبەكتەرى ارقىلى ول تۇركى حالىقتارىنىڭ ورتاق مۇراسىنا تىڭ سەرپىن بەرىپ, قازاق فيلولوگياسى عىلىمىن جاڭا دەڭگەيگە كوتەردى.
ونىڭ باستاماسىمەن «بايتەرەك» ۇلتتىق داستۇرلەر تەاترى قۇرىلىپ, قازاق حالقىنىڭ ءتول مادەنيەتى مەن ونەرى ناسيحاتتالدى. بۇل جوبا ارقىلى قازاقتىڭ سالت-ءداستۇرى مەن رۋحاني قۇندىلىقتارى جاڭا سيپاتتا كورەرمەنگە ۇسىنىلدى.
قوعامدىق قىزمەتتە دە وزىندىك ورنى بار تۇلعا رەتىندە ءتۇرلى مەملەكەتتىك لاۋازىمداردى ابىرويمەن اتقاردى. ەلىمىزدىڭ مادەني جانە رۋحاني وركەندەۋىنە, ۇلتتىق بىرەگەيلىكتىڭ نىعايۋىنا باعىتتالعان باستامالارعا ءاردايىم قولداۋ كورسەتىپ, بەلسەنە اتسالىستى. ۇلت رۋحانياتى مەن عىلىمىنىڭ دامۋىنا ولشەۋسىز ۇلەس قوسقان كورنەكتى تۇلعا – مىرزاتاي جولداسبەكوۆتىڭ تۋعان كۇنى – وتاندىق عىلىم مەن مادەنيەت ءۇشىن ماڭىزدى داتا.
داميرا تولەگەن
ەۇۋ ستۋدەنتى
