فوتو: اشىق دەرەككوز
«تەمىر» تايسون ەندى ءوزىنىڭ كەلەسى جەكپە-جەگىن قازاقستاندا وتكىزۋى مۇمكىن. بۇل اقپاراتتى «الاش پرايد» پروموۋشەنىنىڭ پرەزيدەنتى ءالىمجان بەكتاەۆ تاراتىپ وتىر.
ء«بىز ۇستىمىزدەگى جىلدىڭ جەلتوقسان ايىندا اسا اۋىر سالماقتاعى الەمنىڭ ءابسوليۋتتى ەكس-چەمپيونى, اتاعىنان ات ۇركەتىن مايك تايسوندى ءبىزدىڭ ەلگە شاقىرتىپ, كەرەمەت ءبىر بوكس كەشىن ۇيىمداستىرۋدى كوزدەپ وتىرمىز. قازىر وسى باعىتتا جۇمىستار جۇرگىزىلۋدە. بۇيىرتسا, ول رەسەيدىڭ ماقتانىشى, ارالاس جەكپە-جەكتىڭ حاس شەبەرى فەدور ەمەليانەنكومەن ايقاسادى» دەيدى بەكتاەۆ مىرزا.
ەگەر وسى جوسپار جۇزەگە اسسا, قازاقستاننىڭ جانكۇيەرلەرى اتتارى اڭىزعا اينالعان قوس ءدۇلۇلدىڭ ايقاسىن تاماشالاپ, وسى جەكپە-جەكتەن جاقسى ءبىر اسەر الاتىنى ءسوزسىز. سەبەبى, ەكەۋى دە ءوز ءداۋىرىنىڭ تەڭدەسسىز تۇلعالارى. ماسەلەن, مايك تايسون 1986 جىلدىڭ 22 قاراشاسىندا ترەۆور بەربيكتى ەكىنشى راۋندا ۇرىپ جىعىپ, الەم چەمپيونى اتاندى. ول كەزدە مايك 20 جاستا ەدى. ءسويتىپ, ونىڭ ەسىمى وسىنداي دارەجەگە جەتكەن ەڭ جاس كاسىپقوي بوكسشى رەتىندە تاريحتا قالدى. 1985-1989 جىلدا ارالىعىندا 37 رەت رينگكە شىققان اقش-تىڭ ارلانى بارلىق باسەكەدە باسىمدىق تانىتتى. تايسون جالپى 59 كەزدەسۋدىڭ 50-ىندە جەڭىسكە جەتتى. 44 قارسىلاسىن نوكاۋتقا جىبەردى. 7 مارتە ۇتىلىپ, تاعى ەكى باسەكەنىڭ ناتيجەسى ەسەپكە الىنعان جوق.
فەدور ەمەليانكونىڭ دا اتاعى الىسقا جايىلعان. ول جاۋىنگەرلىك سامبودان الەمنىڭ بىرنەشە دۇركىن چەمپيونى, ارالاس جەكپە-جەكتەن «پرايدتىڭ» چەمپيوندىق بەلبەۋىنىڭ يەگەرى. 2001-2009 جىل ارالىعىندا «سوڭعى يمپەراتور» بىردە-ءبىر ايقاستا جەڭىلگەن جوق. سول سەگىز جىل ارالىعىندا 27 قارسىلاسىن سۇلاتىپ سالدى. بارلىعى 47 كەزدەسۋ وتكىزگەن ەمەليانەنكو سونىڭ 40-ىن ءوز پايداسىنا شەشتى. 31 باسەكەدە ايقىن باسىمدىق تانىتتى. بۇل – وتە كەرەمەت كورسەتكىش!
