فوتو: اشىق دەرەككوز
كونكۋرس بويىنشا ەۋرازيا ليگاسىنىڭ الەم كۋبوگىنداعى كەزەڭدەرى مىناداي. (FEI CSI 1*-W) جانە اتپەن مانەرلەپ ءجۇرۋ (FEI CDI 1*) .
بۇل سايىستار حالىقارالىق ات سپورتى فەدەراتسياسىنىڭ (FEI) رەسمي قولداۋىمەن وتكىزىلەدى. جارىسقا ارمەنيا, گرۋزيا, يران, قىرعىز رەسپۋبليكاسى, وزبەكستان مەن قازاقستاننان كەلگەن 60-قا جۋىق سپورتشى قاتىسادى. قاتىسۋشىلار كۇش-قايرات, شاپشاڭدىقتى قاجەت ەتەتىن سپورت تۇرلەرىنەن باق سىنايدى.
كونكۋر – جىلقى مەن شاباندوزدىڭ ءارتۇرلى بيىكتىكتەگى كەدەرگىلەردەن ءوتۋ شەبەرلىگىن باعالايتىن وليمپيادالىق باعىت. بۇل سپورت ءتۇرىنىڭ ماقساتى – بەلگىلەنگەن قاشىقتىقتى مۇمكىندىگىنشە تەز ءارى قاتەسىز ەڭسەرۋ. اتپەن كوركەم ءجۇرۋ – شاباندوز بەن اتتىڭ ارنايى الاڭدا بەلگىلى ءبىر تارتىپپەن قوزعالىستار ورىنداۋىن تالاپ ەتەتىن جوعارى دەڭگەيلى سپورت باعىتى. قازاقستاندا مۇنداي دارەجەدەگى سپورت تۇرىنەن جارىس وتكىزىلۋى – ەلدەگى ات سپورتىنىڭ دامۋ ۇدەرىسىن جانە وعان دەگەن قىزىعۋشىلىقتىڭ ارتقانىن كورسەتەدى.
بۇل دودا وتاندىق سپورتشىلار ءۇشىن تاجىريبە جيناپ, ۇزدىك حالىقارالىق قارسىلاستارمەن سايىسۋعا, سونداي-اق ماڭىزدى تۋرنيرلەرگە جولداما يەلەنۋگە مۇمكىندىك بەرەدى.
جۇلدە قورى 24 000 اقش دوللارىن قۇرايدى.
وتەتىن ورنى: «ارعىماق» اسسك, استانا ق., قارقارالى تاس جولى, 1.
ءوتۋ مەرزىمى: 2025 جىلعى 30 مامىر – 1 ماۋسىم.
باستالۋى: ساعات 09:00.
كىرۋ ەركىن.
2025 جىلعا جوسپارلانعان ەۋرازيالىق ليگا اياسىنداعى الەم كۋبوگىنىڭ كەزەڭدەرى كەلەسى قالالاردا وتەدى: تاشكەنت – 1 (وزبەكستان), تاشكەنت – 2 (وزبەكستان), بىشكەك – 3 (قىرعىزستان), استانا – 4 (قازاقستان), تبيليسي – 5 (گرۋزيا), تبيليسي – 6 (گرۋزيا), ەرەۆان – 7 (ارمەنيا), تەگەران – 8 (يران).
ليگا اياسىندا وتەتىن «Grand Prix» ساناتىنداعى نەگىزگى مارشرۋت ناتيجەسىندە 2025 جىلعى كونكۋر بويىنشا الەم كۋبوگىنىڭ فينالىنا قاتىسۋ جولداماسى ساراپقا سالىنادى.
قر ات سپورتى فەدەراتسياسىنىڭ ءباسپاسوز قىزمەتى
باق وكىلدەرىنە ارنالعان بايلانىس: +7 705 185 6366, +7 777 483 9118
داميرا تولەگەن,
ەۇۋ ستۋدەنتى
