فوتو: اشىق دەرەككوز
مەملەكەتتىك كىرىستەر كوميتەتىنىڭ حابارلاۋىنشا, OpenAI كومپانياسى ازىرلەگەن تانىمال ChatGPT جۇيەسى ەندى قازاقستان اۋماعىندا كورسەتىلگەن تسيفرلىق قىزمەتتەرى ءۇشىن قوسىلعان قۇن سالىعىن (ققس) تولەيتىن بولادى. بۇل قادام ترانسۇلتتىق ءىت-كومپانيالارعا ءادىل سالىق سالۋدى قامتاماسىز ەتۋدە ماڭىزدى كەزەڭ سانالادى.
«ChatGPT — بۇل جاساندى ينتەللەكتىگە نەگىزدەلگەن چات-بوت. GPT (Generative Pre-trained Transformer) تىلدىك مودەلى نەگىزىندە جۇمىس ىستەيدى جانە كەلەسىدەي مۇمكىندىكتەرگە يە:
- سۇراقتار مەن وتىنىشتەردى ءتۇسىنۋ;
- ماعىنالى ءارى قيسىندى جاۋاپتار قۇراستىرۋ;
- اۋدارما, حات جازۋ, كودتاۋ, وقۋ جانە باسقا دا سالالاردا كومەك كورسەتۋ.
ChatGPT-ءتى ۆيرتۋالدى كومەكشى, كەڭەسشى, سۇحباتتاسۋشى نەمەسە شىعارماشىلىق پەن جۇمىسقا ارنالعان قۇرال رەتىندە پايدالانۋعا بولادى», دەلىنگەن حابارلامادا.
ايتا كەتەيىك, تسيفرلىق قىزمەتتەرگە سالىق سالۋ تاجىريبەسى ەلىمىزدە 2022 جىلدان بەرى جۇزەگە اسىرىلىپ كەلەدى. «Google سالىعى» رەتىندە بەلگىلى بۇل مەحانيزم شەتەلدىك ءىت-الىپتاردىڭ ەل ەكونوميكاسىنا ءادىل ۇلەس قوسۋىن قامتاماسىز ەتەدى.
مەملەكەتتىك كىرىستەر كوميتەتى تسيفرلىق پلاتفورمالارمەن ءوزارا ءىس-قيمىلدى جەتىلدىرۋ, زاڭنامانى ساقتاۋ جانە سالىق تۇسىمدەرىن ۇلعايتۋ باعىتىندا جۇمىسىن ودان ءارى جالعاستىرادى.
