فوتو: سۋ رەسۋرستارى جانە يرريگاتسيا مينيسترلىگى
اتالعان بارلىق جوبا ىسكە اسىرىلعاندا, شامامەن 1,3 ميلليون ادام تۇراتىن 468 ەلدى مەكەندە اۋىز سۋ جاعدايى جاقسارادى.
پرەزيدەنتتىڭ وتانداستارىمىزدى اۋىز سۋمەن تولىقتاي قامتاماسىز ەتۋ جونىندەگى تاپسىرماسىن ورىنداۋ اياسىندا بىلتىر توپتىق سۋ قۇبىرلارىن سالۋ جانە قايتا جاڭارتۋ بويىنشا 8 جوبا اياقتالعانىن ايتقان سۋ رەسۋرستارى جانە يرريگاتسيا ۆيتسە-ءمينيسترى ەربولات يبرايحانوۆتىڭ سوزىنشە جۇمىستار اقمولا, الماتى, قىزىلوردا, سولتۇستىك قازاقستان, ماڭعىستاۋ, ۇلىتاۋ وبلىستارىندا, ياعني 6 وڭىردە جۇرگىزىلگەن. بۇل 208 مىڭ ادام تۇراتىن 49 ەلدى مەكەننىڭ سۋمەن قامتىلۋ جاعدايىن جاقسارتقان.
