پوليتسيا مالىمەتىنشە, Toyota Camry 60 كولىگىنىڭ جۇرگىزۋشىسى قارسى باعىتقا شىعىپ كەتىپ, قارسى كەلە جاتقان Toyota Camry 40 كولىگىمەن بەتپە-بەت سوقتىعىسقان. جول-كولىك وقيعاسىنىڭ سالدارى بەينەجازباعا تۇسىرىلگەن.
«جول اپاتىنىڭ سالدارىنان Toyota Camry 60 كولىگىنىڭ ءبىر جولاۋشىسى جانە Toyota Camry 40 كولىگىنىڭ ەكى جولاۋشىسى وقيعا ورنىندا قازا تاپتى. ەكىنشى كولىكتەگى تاعى ءۇش ادام, ونىڭ ىشىندە جۇرگىزۋشى دە بار, اۋرۋحاناعا جەتكىزىلدى», دەپ حابارلادى ۆەدومستۆودان.
بۇعان دەيىن پاۆلوداردا جول اپاتىنان بەس ادام زارداپ شەككەن بولاتىن. زارداپ شەككەندەردىڭ ەكەۋى – بالالار. اۆتوكولىك قوزعالىس كەزىندە تۇتانىپ كەتكەن.
