قايعىلى وقيعا مەكتەپ ءبىتىرۋ قۇرمەتىنە ۇيىمداستىرىلعان كەش كەزىندە بولعانى انىقتالدى. الدىن الا مالىمەت بويىنشا, تۇلەكتەردىڭ اتا-انالارى وقۋ جىلىنىڭ اياقتالۋىنا وراي كەش وتكىزۋ ءۇشىن ءۇي جالداعان. سول كەش كەزىندە ەكى سىنىپتاستىڭ اراسىندا جانجال شىققان. جانجال كەزىندە ولاردىڭ ءبىرى ەكىنشىسىنە شامپۋر سۇعىپ العان.
پوليتسيا اتالعان فاكتى بويىنشا سوتقا دەيىنگى تەرگەۋدى باستادى. كۇدىكتى وقۋشى ۇستالىپ, ۋاقىتشا ۇستاۋ يزولياتورىنا قامالدى.
– ادام ءولتىرۋ فاكتىسى بويىنشا سوتقا دەيىنگى تەرگەۋ باستالدى. پوليتسيا قىزمەتكەرلەرى كۇدىكتى — جابىرلەنۋشىنىڭ سىنىپتاسىن انىقتاپ, ۇستادى جانە ۋاقىتشا ۇستاۋ يزولياتورىنا قامادى, – دەلىنگەن حابارلامادا.
قىلمىس جاساعان ءجاسوسپىرىمنىڭ اتا-اناسىنا بالا تاربيەلەۋ مىندەتىن تيىسىنشە ورىنداماعانى ءۇشىن ايىپپۇل سالىندى.
