مەرەكەلىك كوڭىل كوڭىل كۇي مەكتەپ اۋلاسىنا كىرگەن ساتتە-اق سەزىلدى. ءارى قاراي سىنىپتا وتكىزىلگەن بىرىڭعاي سىنىپ ساعاتتارىنا قاتىسىپ, وقۋشىلارمەن تىلدەستىك. 1-سىنىپتان 11-سىنىپقا دەيىن ۇيىمداستىرىلعان تاربيە ساعاتى ء«بىلىمىم – وتانىما» اتتى ورتاق تاقىرىپ اياسىندا ءوتتى. سىنىپ ساعاتى بارىسىندا وقۋشىلارعا وتانشىلدىق رۋحتى وياتاتىن, ءبىلىم مەن ەڭبەككە دەگەن قۇرمەتتى دارىپتەيتىن بايانداما جاسالىپ, قىزىقتى ويىندار وكىزىلدى. مۇعالىمدەر مەن سىنىپ جەتەكشىلەرى ەلگە قىزمەت ەتۋ, ادالدىق پەن جاۋاپكەرشىلىك سىندى اسىل قۇندىلىقتاردى وقۋشىلارعا جەتە ءتۇسىندىردى. ءىس-شارا بارىسىندا ء«بىرتۇتاس تاربيە» جوباسىنىڭ اياسىندا وقۋشىلار اراسىندا وتكىزىلگەن ەسسە بايقاۋىنىڭ جەڭىمپازدارى انىقتالىپ, ۇزدىك دەپ تانىلعان وقۋشىلار ماراپاتقا يە بولدى.
«بۇگىن, مىنە, وقۋ جىلىنىڭ قورىتىندىسىن ء«بىلىمىم – وتانىما» سىنىپ ساعاتىمەن تۇيىندەدىك. سىنىپ ساعاتىندا «ادال ازامات» ءبىرتۇتاس تاربيە باعدارلاماسىنىڭ قۇندىلىقتارىنا باسىمدىلىق بەرىپ, ءتۇرلى فورماتتا وتكىزدىك. وتكەن اپتادان بەرى باستالعان ەسسە بايقاۋىنىڭ ناتيجەسىن شىعارىپ, ۇزدىك جازىلعان جۇمىستاردى ماراپاتتادىق. وقۋشىلارعا تانىمدىق كىتاپتار مەن فيلمدەردىڭ ءتىزىمى بەرىلىپ, دەمالىس كەزىن ءتيىمدى وتكىزۋ ۇسىنىلدى. قاۋىپسىزدىك شارالارى بويىنشا دا الدىن الا جۇمىستار جۇرگىزىلىپ, بەينەماتەريالدار كورسەتىلدى», دەدى استاناداعى اباي قۇنانباي ۇلى اتىنداعى №87 مەكتەپ-گيمنازياسىنىڭ ديرەكتورى ايگۇل كاشاەۆا.
مەكتەپپەن قوشتاسۋ – ءار ءجاسوسپىرىمنىڭ ومىرىندەگى ۇلكەن بەلەس. بۇل كۇن – بالالىقتىڭ ارتتا قالىپ, بولاشاققا قادام باسار ءساتى. سول ساتتە جۇرەكتى قوبالجۋ مەن تولقۋ, قۋانىش پەن قيماستىق قاتار باۋرايدى. اباي قۇنانباي ۇلى اتىنداعى №87 مەكتەپ-گيمنازياسىنىڭ بيىلعى تۇلەگى مىقتىبەك ءىلياس تا ءدال وسىنداي سەزىمدى باستان وتكەرىپ وتىر. «مىنە, ءوزىمنىڭ مەكتەپتەگى ومىرىمەن قوشتاسار ساتكە دە جەتتىم. جالپى, بۇل جىل دا جىلداعىداي ەرەكشە ءوتتى. سىنىپتاستارىممەن بىرگە وتكىزگەن ءاربىر ءسات – مەن ءۇشىن وتە قىمبات. وقۋ جىلىنىڭ اياقتالۋىنا بايلانىستى مەكتەبىمىزدە بارلىق سىنىپتا ء«بىلىمىم – وتانىما» اتتى بىرىڭعاي تاربيە ساعاتى ءوتتى. بۇل اشىق ساباقتا بىزگە ەڭ الدىمەن ادال بولۋدىڭ ماڭىزدىلىعى, وتانعا دەگەن سۇيىسپەنشىلىك, ادالدىقپەن ەلگە قىزمەت ەتۋ تۋرالى تاعىلىمدى ويلار ايتىلدى. تاربيە ساعاتى بىزگە ۇلكەن ومىرگە قادام باسار الدىنداعى جاۋاپكەرشىلىكتى تەرەڭىرەك سەزىندىردى. الدا ۇلكەن ارمانىم بار. قازاق ۇلتتىق ونەر ۋنيۆەرسيتەتىنە ءتۇسىپ, اكتەرلىك شەبەرلىك ماماندىعى بويىنشا ءبىلىم العىم كەلەدى. ۇستازدارىما العىسىم شەكسىز. مەكتەبىمنىڭ ارقاسىندا ابايدىڭ شىعارماشىلىعىمەن تانىسىپ, 45 قارا ءسوزىن جاتتادىم. قازىر وسى اباي شىعارمالارى – مەنىڭ رۋحاني ازىعىم», دەيدى ءى. مىقتىبەك.
سونىمەن قاتار سىنىپ ساعاتىنا استانا قالالىق ادىستەمەلىك ورتالىعىنىڭ مامانى گۇلزيرا الياكبارقىزى ارنايى قاتىسىپ, وقۋ جىلىن ۇزدىك اياقتاعان بىرقاتار وقۋشىلارعا گراموتالار تابىستادى. وسىلايشا, وقۋشىلاردىڭ ءبىر جىل بويعى ەڭبەگى مەن جەتىستىكتەرى باعالاندى. ء«بىلىم بولاشاقتىڭ باستاۋى. جىل بويى وتكىزىلگەن بارلىق سىنىپ ساعاتى تەك تاربيە ەمەس, وقۋشىنىڭ تۇلعالىق دامۋىنا ىقپال ەتەتىن ماڭىزدى الاڭعا اينالدى. ءاربىر ساعاتتا ءبىز وقۋشىلاردىڭ بويىنا قۇندىلىقتاردى ءسىڭىرىپ, ومىرلىك باعىت بەردىك. ەندى وسى ءبىلىم مەن تاربيەنى جازدا وي ەلەگىنەن وتكىزىپ, كەلەسى جىلعا جاڭا ماقساتپەن ورالسا, ناعىز جەتىستىك وسى», دەدى گ.الياكبارقىزى.
بيىلعى وقۋ جىلىن اياقتاپ ءبىلىم جولىنداعى تاعى ءبىر بەلەستى باعىندىرعان وقۋشىلار ەستەلىك فوتوعا ءتۇسىپ, مەكتەبىمەن قيماي قوشتاسىپ بارادى. الدا – جازعى دەمالىس پەن جاڭا ماقسات. ال مەكتەپ ءبىتىرۋشى تۇلەكتەر ءۇشىن – ۇلكەن ومىرگە باستار العاشقى قادام.
