اقجايىقتا جاڭارعان مەكتەپ كوبەيدى

«اقجايىق وڭىرىندە بارلىعى 379 مەكتەپ بار, وندا 124 مىڭنان استام وقۋشى ءبىلىم الىپ ءجۇر.  مەكتەپ بىتىرەتىن 7 مىڭنان اسا تۇلەك ءۇشىن «مەكتەبىم, ساعان مىڭ العىس!» اتتى سالتاناتتى ءىس-شارا ءوتتى. بيىل ءبىزدىڭ 337 وقۋ­شىمىز «ال­تىن بەلگىگە» ۇمىتكەر, ال 419-ى «ۇزدىك اتتەس­تاتقا» ۇمىتكەر بولىپ وتىر», دەيدى باتىس قازاقستان وبلىستىق ءبىلىم باسقارماسىنىڭ باسشىسى ەلدوس سافۋللين.

2024–2025 وقۋ جىلى وتە جاقسى ناتيجەمەن اياقتال­دى دەپ ايتۋعا بولادى. رەس­پۋبليكالىق, حالىقارالىق وليم­پيادالار مەن كونكۋرس­تاردا 78 وقۋشى 14 التىن, 24 كۇمىس, 43 قولا مەدالدىڭ يەگەرى اتانعان. مۇ­نىڭ ىشىندە دارەجەسى وتە جوعارى حالىقارالىق و.جاۋتىكوۆ اتىن­داعى وليمپياداسى, ءو.جول­داس­بەكوۆ اتىنداعى ماتەماتيكا جانە مەحانيكا بو­يىنشا حا­لىقارالىق زەرتتەۋ جوبالارى كونكۋرسى, رەسپۋبليكالىق وليمپيادالار مەن عىلىمي جوبالار كونكۋرس­تارى بار.

اسىرەسە اۋىل مەكتەپتەرىنىڭ جەتىس­تىگى كوڭىلگە قۋانىش ۇيالا­تادى. اۋىل مەكتەبى وقۋشى­لا­رىنا ارنالعان رەسپۋبليكالىق وليمپيادادا تاسقالا اۋدانىنىڭ «ساۋلەت» مەكتەپ-ليتسەيى «ەڭ ۇزدىك اۋىل مەكتەبى – 2024» اتاعىن السا, جالپى ءبىلىم بەرەتىن پاندەر بويىنشا رەسپۋبليكالىق وليم­پيادادا باتىس قازاقستان وبلى­سى­نىڭ كومانداسى «ەڭ ۇزدىك وليمپيادالىق كوماندا – 2025» يەلەنىپ, II دارەجەلى ديپلوممەن مارا­پاتتالدى. جالپى, وبلىس كومانداسىنىڭ قورجىنىندا 6 التىن, 3 كۇمىس, 7 قولا مەدال بار. قوعامدىق-گۋمانيتارلىق باعىت بويىنشا قازتالوۆ اۋدانى ك.مەڭداليەۆ اتىنداعى جالپى ورتا ءبىلىم بەرەتىن مەكتەپتىڭ 11-سىنىپ وقۋشىسى سايدا ءابۋحانوۆا «ۇزدىك اۋىل مەكتەبىنىڭ وقۋشىسى» بولدى.

«مەملەكەت باسشىسىنىڭ تاپسىرماسىنا سايكەس مەكتەپتەردى رەنوۆاتسيالاۋ باعدارلاماسى باس­­تالدى. بيىل 6 مەكتەپكە جاڭ­عىر­تۋ جۇمىسى جۇرگىزىلەدى. ولار – اقجايىق اۋدانىنداعى ع.ما­­حامبەتوۆ اتىنداعى ورتا مەك­­تەپ, قازتالوۆ اۋدانىنداعى قا­را­وزەن مەكتەپ-ليتسەيى, باي­تە­رەك اۋدانىنداعى بەلەس مەكتەپ-بو­بەكجاي-بالاباقشا كەشەنى, شىڭ­عىرلاۋ اۋدانىنداعى ل.قى­لى­شەۆ اتىنداعى ورتا مەكتەپ, جاڭاقالا اۋدانىنداعى د.نۇر­پەيىسوۆا اتىنداعى مەكتەپ, سى­رىم اۋدانىنداعى ا.جۇما­عا­­ليەۆ اتىنداعى مەكتەپ-بالا­باق­شا كەشەنى», دەيدى ەلدوس ءنابي­وللا ۇلى.

بۇدان بولەك, وبلىس اۋما­عىندا «كەلەشەك مەكتەپتەر» ۇلتتىق جوباسى اياسىندا ءۇش مەك­تەپ سالىندى. ونىڭ ەكەۋى ورال قالاسىندا – دەركول كەنتىندە 1500 ورىندىق №51 مەكتەپ, بالاۋسا شاعىن اۋدانىندا 1500 ورىندىق №53 مەكتەپ. سونداي-اق تەرەكتى اۋدانىنىڭ پودستەپنوە اۋىلىندا 1200 ورىن­­­دىق مەكتەپ تە پايدالانۋعا بە­رىلدى. ءدال قازىر تاعى وسىنداي 6 مەك­تەپ قۇ­رىلىسى ءجۇرىپ جاتىر.

سوڭعى وقۋ جىلىنىڭ وزىن­دە وبلىستا 4768 وقۋشى وقي­تىن جاڭا مەكتەپ سالىنىپ, شاكىرت تاربيەلەۋگە كىرىسكەن. جىل سايىن اۋىل مەكتەبىن جاڭعىرتۋ, قول­دانىستاعى مەك­تەپتەردى كۇر­دە­لى جوڭدەۋ جانە زاماناۋي پاندىك كابينەتتەرمەن جابدىقتاۋ جۇ­مىسى دا جۇيەلى ءجۇرىپ جاتىر. وسى جىلدىڭ وزىندە روبوتتەحنيكا, حيميا, بيولوگيا, فيزيكا جانە STEM-پاندەر بويىنشا 193 زا­ماناۋي پاندىك كابينەت جاب­دىقتالعان.

«مەملەكەت باسشىسىنىڭ 2024 جىلعى جولداۋىندا بەرىل­گەن تاپسىرماسىن ورىنداۋ ماق­سا­­تىندا 2025–2027 جىلدار ارا­لى­عىندا باتىس قازاقستان ءبىلىم باسقارماسىنا قاراستى 86 مەكتەپ, ونىڭ ىشىندە 2025 جىلى – 5 مەكتەپ, 2026 جىلى – 34 مەكتەپ, 2027 جىلى 47 مەكتەپ كۇردەلى جوندەۋدەن وتەدى. جالپى, 86 مەك­­تەپتىڭ كۇردەلى جوندەۋ جۇ­مىسىنا 60 521,8 ملن تەڭگە قارا­­جات جۇم­سا­لادى», دەيدى باس­قارما باسشىسى.

باتىس قازاقستان وبلىسى