اۋقىمدى شارانىڭ سالتاناتتى اشىلۋىندا عىلىم جانە جوعارى ءبىلىم مينيسترلىگىنىڭ پەرسونالدى دامىتۋ جانە باسقارۋ دەپارتامەنتىنىڭ ديرەكتورى اينۇر مىرزابەكوۆا مينيستر ساياسات نۇربەكتىڭ قۇتتىقتاۋ حاتىن وقىپ بەردى.
«بۇل فورۋم – ەلىمىزدىڭ ءبىلىم جانە عىلىم جۇيەسىندەگى HR سالاسىن دامىتۋعا, زاماناۋي كادرلىق ساياساتتى جەتىلدىرۋگە باعىتتالعان ماڭىزدى الاڭ. قاتىسۋشىلار اراسىندا تاجىريبە الماسۋعا, ۇزدىك پراكتيكالاردى بولىسۋگە جانە ادامي كاپيتالدى باسقارۋدىڭ جاڭا تاسىلدەرىن بىرلەسە ايقىنداۋعا مول مۇمكىندىك بەرەتىن يگى باستاما. ادامي رەسۋرستار كەز كەلگەن ۇيىمنىڭ تابىستى دامۋىنىڭ نەگىزى. سوندىقتان كادر ساياساتىن ءتيىمدى جۇرگىزۋ, دارىندى مامانداردى تارتۋ مەن ۇستاپ قالۋ, ولاردىڭ كاسىبي دامۋىنا جاعداي جاساۋ – ءبىزدىڭ ورتاق مىندەتىمىز», دەلىنگەن حاتتا.
قازاق ۇلتتىق قىزدار پەداگوگيكالىق ۋنيۆەرسيتەتىنىڭ رەكتورىنىڭ مىندەتىن اتقارۋشى ەركىن شاجا ۇلى ءدۇسىپوۆ ءوز سوزىندە فورۋمدا ادامي كاپيتالدى دامىتۋدىڭ جاڭا تاسىلدەرى, كادرلىق ۇدەرىستەردى زاماناۋي تالاپتارعا ساي بەيىمدەۋ جولدارى تالقىلاناتىنىن اتاپ ءوتتى.
شارا بارىسىندا بايانداماشىلار جوعارى وقۋ ورىندارىنداعى HR-مەنەدجمەنتتىڭ وزەكتى ماسەلەلەرىن كوتەرىپ, اكادەميالىق ورتاداعى كادرلىق پروتسەستەردى تسيفرلاندىرۋ, كادرلىق رەزەرۆ قالىپتاستىرۋ, ءتيىمدى موتيۆاتسيالىق مەحانيزمدەر مەن وقىتۋشىلاردى كاسىبي تۇرعىدا قولداۋ تەتىكتەرىن جەتىلدىرۋ جولدارىن ۇسىندى.
«فورۋمعا ۆەدومستۆولىق جوعارى وقۋ ورىندارى شاقىرىلىپ, 63 ۋنيۆەرسيتەتتەن 78 ادام كەلدى. شارادا قاتىسۋشىلار تاجىريبە الماسىپ, ەڭبەكپەن قامتۋ سالاسىنداعى بار ماسەلەلەردى تالقىلادى, كادر ماماندارىن تولعاندىرعان, سونىڭ ىشىندە بىلىكتىلىك تالاپتارى مەن ۋنيۆەرسيتەتتەردىڭ اكادەميالىق ەركىندىگىنىڭ تارالۋ دەڭگەيىنە قاتىستى سۇراقتار قويدى. ءبىز كەرى بايلانىس الىپ, ماڭىزدى سۇراقتار قويدىق, بولاشاقتاعى ءوزارا ءىس-قيمىل جولدارىن ايقىندادىق», دەپ اتاپ ءوتتى QyzPU HR-دەپارتامەنتىنىڭ ديرەكتورى يۋليا ميكروپۋلو.
كەزدەسۋ اياسىندا قۇدايبەرگەن جۇبانوۆ اتىنداعى اقتوبە وڭىرلىك ۋنيۆەرسيتەتىنىڭ HR-دەپارتامەنت ديرەكتورى ەركىن تاستانقۇلوۆ ءوز پىكىرىن ءبىلدىردى.
«فورۋمعا ارنايى كەلگەنىمە وتە قۋانىشتىمىن. بۇگىنگى رەسپۋبليكالىق HR-فورۋم – كونستيتۋتسيادا كورسەتىلگەن ادامي رەسۋرستاردىڭ ماڭىزدىلىعىنا نەگىزدەلگەن, جوعارى دەڭگەيدە ۇيىمداستىرىلعان ماڭىزدى ءىس-شارا. ەلدە ساپالى ءبىلىم جۇيەسىن قالىپتاستىرۋ ءۇشىن ەڭ الدىمەن ادامي كاپيتالدى دامىتۋىمىز قاجەت. قازىرگى تاڭدا جوعارى وقۋ ورىندارىنىڭ دەڭگەيى بىرتىندەپ ارتىپ كەلەدى. ەگەر ءبىز تەحنولوگيالىق دامۋدان قالىس قالعىمىز كەلمەسە, ادام رەسۋرستارىمەن تىكەلەي جۇمىس ىستەيتىن مامانداردىڭ كاسىبي بىلىكتىلىگىن ارتتىرۋعا باعىتتالعان شارالاردى جۇيەلى تۇردە وتكىزىپ تۇرۋىمىز كەرەك. HR سالاسىنىڭ وكىلدەرىنىڭ بىلىكتىلىگىن ارتتىرۋ ارقىلى ءبىز ساپالى ءبىلىم بەرەتىن بىلىكتى مامانداردى جۇمىسقا تارتۋعا جول اشامىز», دەدى.
قازاقستاننىڭ ءبىلىم جانە عىلىم جۇيەسى ءۇشىن ماڭىزدى وقيعاعا ايناعان HR-فورۋم ەلىمىزدەگى جوعارى وقۋ ورىندارىندا كادرلىق الەۋەتتى ستراتەگيالىق دامىتۋ مەن HR-تاسىلدەردى جاڭعىرتۋعا مۇددەلى كاسىبي مامانداردى بىرىكتىردى.
