كومپانيا كولىك سىيلادى

سالتاناتتى ءىس-شارادا كوم­پانيانىڭ باسقارۋشى ديرەكتورى الەكسەي سەرديۋ­كوۆ دەنساۋلىق ساقتاۋ سالاسى ەلدەگى ەڭ ماڭىزدى سا­لالاردىڭ ءبىرى ەكەنىن ايتا كەلە, كومپانيانىڭ جەدەل جاردەم كولىكتەرىن تارتۋ ەتۋى – ءوڭىردىڭ الەۋمەتتىك قامتاماسىز ەتىلۋىنە قوسقان ۇلەسى ەكەنىن ايرىقشا اتادى.

«سىزدەر وندىرىلەتىن ءونىم­نىڭ ساپاسى عانا ەمەس, سونىمەن قاتار الەۋمەتتىك جاۋاپكەرشىلىك ارقىلى دا حالىق يگىلىگى ءۇشىن بارلىق سالادا, سونىڭ ىشىندە دەنساۋ­لىق ساقتاۋ جۇيەسىن قول­داۋ باعىتىندا ەڭبەك ەتىپ جات­قاندارىڭىز­دى دالەل­دەدىڭىزدەر. بۇل – كوم­پانيالارىڭىزدىڭ وسى سالاداعى الەۋمەتتىك جاۋاپكەرشىلىگى جوعارى بيزنەستىڭ حالىقپەن قا­رىم-قاتىناستا قالاي ارە­كەت ەتۋى كەرەكتىگىنىڭ جار­قىن ۇلگىسى. وسىعان وراي, الماتى وبلىسىنىڭ دەن­ساۋلىق ساقتاۋ باس­قار­ما­سى, وبلىس اكىمدىگى, ءوڭىر تۇر­عىندارىنىڭ اتى­نان كور­سەتكەن قولداۋلا­رى­ڭىز­عا شىنايى العىسىمدى بىل­دى­رەمىز. ءوز كەزەگىندە باسقا دا ءىرى بيزنەس وكىلدەرى دە سىز­دەردەن ۇلگى الادى دەپ سە­نە­مىز», دەدى الماتى وب­ل­ى­سىنىڭ دەنساۋلىق ساق­تاۋ باسقارماسىنىڭ باس­شىسى ەرجان سۇلەيمەنوۆ.

قاناتىن كەڭگە جايعان كومپانيا ەلىمىزدە 10 جىل بۇرىن تىركەلىپ, 2018 جىلى قوناەۆ قالاسىنىڭ ما­ڭىندا زاماناۋي وندى­رىستىك-لوگيستيكالىق كە­شەن اشىلدى. «مارەۆەن فۋد تيان-شان» ەلىمىزدەگى جەتەك­شى ازىق-ت ۇلىك ءوندىرۋشى كومپانيالاردىڭ توپ-10-دىعىنا كىرەدى. ايتا كەتۋ كەرەك, كومپانيا نەگىزىنەن جەرگىلىكتى شيكىزاتتى پايدالانادى, وندىرىلەتىن ونىمدەر ەلى­مىزدىڭ زاڭناماسىنىڭ تالاپ­تارى مەن رەگلا­مەنت­تەرىنە ساي كەلەدى.

الماتى وبلىسى